Shraddhamanjari (Bapubhatta Kelakara) 7.2
Śrāddhamañjarī (Bāpūbhaṭṭa Kelakāra) 7.2
- Language
- Sanskrit
7.2
ehi sūrya sahasrāṃśo tejorāśe jagatpate
anukampaya māṃ bhaktyā gṛhā0
7.2.p1
viṣṇupādābjasaṃbhūte gaṅge tripathagāminī(ni)
bhāgīrathīti vikhyāte gṛhā0
ityardhyāṇi dattvā, ṛtaṃ cetyaghamarpaṇaṃ kṛtvā''camya, oṃ namo nārāyaṇāyetyaṣṭākṣaramantram, oṃ drupadādivenmumucānaḥ svinnaḥ snātvī malādiva | pūtaṃ pavitreṇevā''jyamāpaḥ śundhantu mainasaḥ | oṃ tadviṣṇoḥ paramaṃ0
tatam | iti japitvā viṣṇuṃ ca smṛtvā keśavādidāmodarāntairdvādaśanāmabhirdvādaśakṛtva āplutya gāyatryā śarīre jalamabhiṣicya
nandinī nalinī sītā mālatī ca mahāpagā
viṣṇupādābjasaṃbhūtā gaṅgā tripathagāminī
bhāgīrathī bhogavatī jāhnavī tridaśeśvarī
dvādaśaitāni nāmāni yatra yatra jalāśaye
snānayuktaḥ sadā brūyāttatra tatra vasāmyaham
iti gaṅgāvākyaṃ paṭhitvā nābhimātrajale tiṣṭhansnānāṅgatarpaṇaṃ kuryāt
taccettham-yajñopavītī prāṅmukhaḥ sākṣatābhiradbhiḥ, brahmādayo ye devāstāndevāṃstarpayāmi | bhūrdevāṃstarpayāmi | bhuvardevāṃstarpayāmi | svardevāṃstarpa0 | bhūrbhuvaḥ svardevāṃstarpayāmīti pañcamantrairekakamañjaliṃ devatīrthena
dattvā, udaṅmukho nivītī sayavābhiradbhiḥ prājāpatyatīrthena kṛṣṇadvaipāyanādayo ya ṛṣayastānṛṣīṃstarpa0 | bhūrṛṣīṃstarpa0 | bhuvarṛṣīṃsta0
svarṛṣīṃstarpa0 | bhūrbhuvaḥsvarṛṣīṃstarpa0 | iti pañcabhirdvau dvāvañjalī
dattvā dakṣiṇāmukhaḥ prācīnāvītī pitṛtīrthena satilābhiradbhiḥ somaḥ
pitṛmānyamo'ṅgirasvānagniṣvāttāṃ agniḥ kavyavāhanādayo ye pitarastānpitṝṃstarpa0 | bhūḥpitṝṃstarpa0 | bhuvaḥpitṝṃstarpa0 | svaḥpitṝṃsta0 | bhūrbhuvaḥsvaḥpitṝṃstarpayāmīti tristristarpayitvā tīrametya
agnidagdhāśca ye jīvā ye'pyadagdhāḥ kule mama
bhūmau dattena toyena tṛptā yāntu parāṃ gatim
iti mantreṇāñjaliṃ taṭe nikṣipya
ye kecāsmatkule jātā aputrā gotriṇo mṛtāḥ
te gṛhṇantu mayā dattaṃ vastraniṣpīḍanodakam
iti vastraṃ tīre niṣpīḍyopavītī
yanmayā dūṣitaṃ toyaṃ śārīramalasaṃbhavāt
taddopaparihārārthaṃ yakṣmāṇaṃ tarpayāmyaham
iti yakṣmatarpaṇaṃ kṛtvā
jñānato'jñānato vā'pi yanmayā duṣkṛtaṃ kṛtam
tatkṣamasvākhilaṃ devi jaganmātarnamo'stu te
7.2.p2
iti nadīṃ kṣamāpayet | iti snānavidhiḥ