Shraddhamanjari (Bapubhatta Kelakara) 8.p1

8.p1

atha tarpaṇam | tacca jale karaṇapakṣa ārdravāsā eva jānumātrādhikajale sthitvā''camya prāṇānāyamya deśakālau saṃkīrtya devarṣipitṛtṛptidvārā śrīparameśvaraprītyarthamamukatīrthe devarṣipitṛtarpaṇaṃ kariṣyamāṇatīrthaśrāddhāṅgatarpaṇaṃ ca tantreṇa kariṣya iti saṃkalpya devarṣitarpaṇaṃ prajāpatistṛpyatvityādi kṛtvā prācīnāvītī dakṣiṇāmukhaḥ satilajalena nityatarpaṇavatpitṛtarpaṇaṃ kṛtvā sarvoddeśena tilāñjaliṃ dadyāt | tatra mantraḥ-devāṃsurāstathā nāgā yakṣagandharvarākṣasāḥ
piśācā guhyakāḥ siddhāḥ kūṣmāṇḍāstaravaḥ khagāḥ
jalacarā bhūmilayā vāyvādhārāśca jantavaḥ
tṛptimetena yāntvāśu maddattenāmbunā'khilāḥ
narakeṣu samasteṣu yātanāsu ca ye sthitāḥ
teṣāmāpyāyanāyaitaddīyate salilaṃ mayā
ye bāndhavābāndhavā vā ye'nyajanmani bāndhavāḥ
te tṛptimakhilāṃ yāntu ye cāsmatto'bhikāṅkṣiṇaḥ
yatra kvacanasaṃsthānāṃ kṣuttṛṣṇopahatātmanām
idamakṣayyamevāstu mayā dattaṃ tilodakam
ābrahmastambaparyantaṃ0atītakūlako0tilodakam | iti mantraistarpaṇaṃ
kuryāt | tīre tarpaṇapakṣe śuṣke vāsasī paridhāya barhirāstīrya tasmiṃstarpayediti tarpaṇavidhiḥ
atha tīrthaśrāddhaprayogaḥ| deśakālotkīrtanānte prācīnāvītī pitrādyāttāntānpitṛnsakṛnmahālayavaduccāryaiteṣāṃ tṛptyarthaṃ tīrthaśrāddhaṃ sadaivaṃ sapiṇḍaṃ
pārvaṇaikoddiṣṭavidhinā'nnena haviṣā sadyaḥ kariṣya iti saṃkalpya kṣetravāsino'nyānapi ca brāhmaṇānmahālayavannimantryārthyāvāhanaviprāṅguṣṭhaniveśanatṛptipraśnavikiravisarjanavarjaṃ sakṛnmahālayavatprayogaḥ | mahālayapadasthāne
tīrthapadoccāraṇam | idaṃ viṣṇurityādi viṣṇo havyaṃ rakṣasvetyantasyānnanivedanaikadeśasya lopaḥ | atra dhūrilocanau purūravārdravau vā devau
piṇḍadāna ātmapiṇḍasya purastādābrāhmaṇo ye pitṛvaṃśajātā ityādimantraiḥ piṇḍāntaradānaṃ mahālayavat | piṇḍāṃstu tīrthajala eva kṣipet
iti tīrthaśrāddhaprayogaḥ