Shraddhapradipa (Rudradhara) 3.p19.2

3.p19.2

tato jaḷenāsanabhojanapātrayoścaturdiśaṃ catuṣkoṇaṃ maṇḍalaṃ kṛtvā śrāddhīyānnāgrabhāgaṃ saghṛtavyañjanatilajalam'oṃ idamannametadbhūsvāmipitṛbhyo namaḥ' iti utsṛjet | tato hastābhyāṃ tāmrapātramannapūrṇamādāya manāk sthitvā pitaraṃ dhyāyan puruṣatṛptikṣamamannaṃ pariviṣyāt | vyañjanaghṛtajalānyupanīya annopari madhu dattvā 'oṃ madhuvvātā' ityādi ṛcam 'oṃ madhu madhu madhu' iti ca japet | tato vyastābhyāṃ hastābhyāmadhomukhābhyāṃ pātramālabhya 'oṃ pṛthivī te pātram0' iti japet | 'oṃ ida viṣṇu0' iti japet | tata 'oṃ kṛṣṇakavyamidaṃ rakṣa madīyam' iti paṭhitvā 'oṃ idamannam' 'oṃ imā āpaḥ' 'oṃ idamājyam' 'oṃ idaṃ haviḥ' iti | anna jalaghṛtānneṣu dakṣiṇahastāṅguṣṭhaṃ niveśya 'oṃ apahatā0' iti tilānannopari kṣipya vāmahastena pātramatyajan dakṣiṇahastena moṭakādīnyādāya 'oṃ adyāmukagotra pitaramukapretāsthisaṃcayananimittakaikoddiṣṭaśrāddha idamannaṃ sopakaraṇaṃ te mayā dīyate tavopatiṣṭhatām' ityutsṛjet | tato gāyatrīṃ, madhuvvātā ityādi ṛcam, 'oṃ madhu madhu madhu' iti ca, 'oṃ annahīnaṃ kriyāhīnaṃ vidhihīnaṃ ca yadbhavet | tatsarvamacchidramastu' iti ca japet | tataḥ kuśoṣūpaviśya gāyatrīṃ, madhuvvātā ityādikaṃ japet | tataḥ 'oṃ kṛṇuṣvapāja' ityādirakṣoghnīḥ 'oṃ udīratām' ityādipitṛmantrān, puruṣasūktam, 'āśuḥśiśāna' ityādikamapratiratham, anyāni ca pavitrāṇi yathāśakti japet | 'oṃ namastubhyam0' ślokaṃ paṭhet |