Tirthacintamani 10.p16

Tīrthacintāmaṇi 10.p16

Language: Sanskrit

10.p16

matsyapurāṇe— gaurīsthānapratipādanaprastāve ca— vārāṇasyāṃ viśālākṣī prayāge lalitā tathā | gayāyāṃ maṅgalā nāma śataśrotreti saiṃhikā || yājñavalkyaḥ— yaddadāti gayāsthaśca sarvvamānantyamaśnute | api jāyeta so'smākaṃ kule kaścinnarottamaḥ | gayāśīrṣe vaṭe śrāddhaṃ yo naḥ kuryyāt samāhitaḥ || yamaḥ— eṣṭavyā bahavaḥ putrāḥ śīlavanto guṇānvitāḥ | teṣāṃ vai samavetānāṃ yadyeko'pi gayāṃ vrajet | yajeta vāśvamedhena nīlaṃ vā vṛṣamutsṛjet || vaśiṣṭhaḥ— nandanti pitarastena suvṛṣṭeneva karṣakāḥ | yadgayāstho dadātyannaṃ pitarastena putriṇaḥ || iti kalpatarau tīrthakāṇḍe gayāmāhātmyam

Previous: 10.p15
Next: 10.p17
Up: 10

Linked texts (1)

Tristhalīsetu (Nārāyaṇa) — Nārāyaṇa (Mahiṣamaṅgalam) 1513, Sanskrit