Tirthacintamani 11.p3

11.p3

tathāca pretaparvvatakalpe vāyupurāṇam-kṛtvāsnānaṃ pitṝṇāntu prayataḥ pretaparvvate | prācīnāvītinā bhāvyaṃ dakṣiṇābhimukhaḥ smaret || kavyavālo'nalaḥ somo yamaścaivāryyamā tathā | agniṣvāttā barhiṣadaḥ somapāḥ pitṛdevatāḥ || āgacchantu mahābhāgā yuṣmābhī rakṣitāsviha | madīyāḥ pitaro ye ca kule jātāḥ sanābhayaḥ || teṣāṃ piṇḍapradānārthamāgato'smi gayāmimām | te sarvve tṛptimāyāntu śrāddhenānena śāśvatīm || ācamyoktvātha paścāṅgaṃ prāṇānāyamya yatnataḥ1 | punarāvṛttirahitabrahmalokāptihetave | evaṃ saṃkalpya vidhivacchrāddhaṃ kuryyādyathākramam | pitṝnāvāhya cābhyarcya mantraiḥ piṇḍaprado bhavet | tīrthe pretaśilādau ca carūṇā saghṛtena ca2 | prakṣālya pūrvvaṃ tat sthānaṃ pañcagavyaiḥ pṛthak pṛthak || tathā-dattvā śrāddhaṃ sapiṇḍānāṃ teṣāṃ dakṣiṇabhāgataḥ | kuśairāstīryya teṣāntu sakṛddattvā tilodakam || gṛhītvāñjalinā tebhyaḥ pitṛtīrthena yatnataḥ | saktunā muṣṭimātreṇa dadyādakṣayyapiṇḍakam