Tirthacintamani 12.p1

12.p1

kecittu ṣaṭpuruṣāṇāmeva pretatvavimuktikāmanayā piṇḍadānaṃ kāryyamiti, tatra ca vedidbayakaraṇa-rekhākaraṇa-tadaṅgāvabhramaṇacchinnamūladhāraṇānvanejana-piṇḍadāna pratyavanejana-khāsadhāraṇa-nīvībhraṃśana3 sūtradāna-gandhadānānyeva khasūtroktāni vājasaneyinā kāryyāṇi, evamanyenāpi khasūtrānusāreṇaiva tatkāryyamityāhuḥ | etadanyatamakaraṇānantarantu parvvatādavaruhya pṛthivyāṃ prabhāsādisaṅgatāyāṃ mahānadyāṃ rāmatīrthatvena prasiddhe prabhāsaṅgrade—oṃ adya sāgrajanmāntaraśatakṛtaduṣkṛtavilayakāmo'smin tīrthe srānamahaṃ kariṣye iti saṅkalpya srānatarpaṇe kṛtvā tatra srānīyaprakṛtasakalamantrapāṭhāmantaram— oṃ janmāntaraśataṃ sāgraṃ yatkṛtaṃ duṣkṛtaṃ mayā | tatsarvvaṃ vilayaṃ yātu rāmatīrthābhiṣecanāt || iti paurāṇikamantraṃ paṭhitvā majjet | oṃ adya viṣṇulokagamanakāmo rāmatīrthe śrāddhamahaṃ piṇḍadānaṃ vā kariṣye—iti saṅkalpya pārvvaṇaṃ piṇḍadānamātraṃ vā tatra kuryyāt | idaṃ pārvvaṇaṃ piṇḍadānañca sūtrānusāreṇaiva karttavyam gayoktaphalakapitṛkarmatvābhāvāditi | oṃ adya pitrādipretatvavimuktipūrvvakapitṛtvaprāptikāmo rāmatīrthe pitṝṇāṃ piṇḍadānamahaṃ kariṣye iti saṅkalpya pretaśiloktarītyā pitrādidvādaśapiṇḍā'dyapiṇḍa-ṣor̤aśīpiṇḍān dadyāt