Tirthacintamani 12.p8

12.p8

dhikadūrasthaṃ gatvā tanmūlasaṃlagnatadīśānakoṇasthe brahmakuṇḍe svargakāmanayā snātvā tarpaṇaṃ kṛtvā taṃ pretaparvvatamāruhya tatra pitrāhvānādisākṣiśrāvaṇaparyyantaṃ pretaśilāvadeva karttavyam | ayantu viśeṣaḥ — oṃ adya punarāvṛttirahitabrahmalokāvāptikāmaḥ pretaparvvate śrāddhamahaṃ kariṣye iti pārvvaṇasaṅkalpaḥ | tacca pārvvaṇaṃ brahmavedyāṃ kriyate iti samācāraḥ | tataḥ sākṣiśrāvaṇānantaram — adya pitṛgaṇapretatvavimukti-svagatapretatvābhāvakāmaḥ pretaparvvate tilamiśraśaktuprakṣepamahaṃ kariṣye iti saṅkalpya tilamiśraśaktūn pretaparvvate dakṣiṇāmukhaḥ prakṣipedanena mantreṇa — oṃ ye kecit pretarūpeṇa varttante pitaro mama | te sarvve tṛptimāyāntu śaktubhistilamiśritaiḥ || iti | oṃ ābrahmastambaparyyantaṃ yatkiñcit sacarācaram | mayā dattena toyena tṛptimāyātu sarvvaśaḥ || iti mantreṇa toyāñjaliṃ dadyāt | tato yathāśakti dakṣiṇāṃ siddhavaddadyāt