Tirthacintamani 13.p25

13.p25

oṃ adya pitṛbrahmalokanayanakāmo brahmakūpa-yūpayormadhye śrāddhamahaṃ kariṣye | iti saṅkalpya dvādaśadaivataṃ navadaivataṃ ṣaḍdaivataṃ vā śrāddhaṃ kṛtvā uttaramānasādakṣayyapiṇḍaṃ dattvā - oṃ pitṛmokṣakāmo brahmakalpitāmrasecanamahaṃ kariṣye | iti saṅkalpya - 'oṃ āmraṃ brahmasarodbhūtaṃ1 sarvvadevamayaṃ vibhum | viṣṇurūpaṃ prasiñcāmi pitṝṇāñcātha muktaye || iti paṭhitvā kuśatrayeṇācārāt brahmasarojalena gopracārasamīpasthān brahmakalpitānāmrān siñcet | tataḥ-oṃ adya vājapeyajanyaphalasamaphalaprāptikāmo brahmayūpapradakṣiṇamahaṃ kariṣye | iti saṅkalpya pradakṣiṇaṃ kuryyāt | tataḥ-'oṃ pitṛbrahmapuragamanakāmo brahmanamaskāramahaṃ kariṣye iti saṅkalpyaoṃ namo brahmaṇe'jāya jagajjanmādikāriṇe | bhaktānāñca pitṝṇāṃ hi tārakāya namo'stu te || iti paṭhitvā brahmasarovāyavyakoṇasthaṃ brahmāṇaṃ praṇamet | tataḥ-oṃ yamarāja-bhramarājau niścalārthaṃ hi saṃsthitau2 | tābhyāṃ baliṃ prayacchāmi pitṝṇāṃ muktihetave || iti paṭhitvā oṃ yamāyaiṣa balinamaṃ ityanena kuśodakena devavat yamabaliṃ dadyāt | tataḥoṃ vaivasvatakulodbhūtau dvau śyāva-śabalau śūnau