Tirthacintamani 13.p3
Tīrthacintāmaṇi 13.p3
- Language
- Sanskrit
13.p3
sapiṇḍakaṃ svasūtroktaṃ namedya pitāmaham || oṃ namaḥ śivāya devāya īśānapuruṣāya ca | aghoravāmadevāya sadyojātāya śambhave || natvā pitāmahaṃ devaṃ mantreṇānena pūjayet | phalgutīrthe naraḥ snātvā dṛṣṭvā devaṃ gadādharam | ātmānaṃ pitṛbhiḥ sārddhaṃ tannayedvaiṣṇavaṃ padam || oṃ namo vāsudevāya namaḥ saṅkarṣaṇāya ca | pradyumnāyāniruddhāya śrīdharāya ca viṣṇave ||pañcatīrthe naraḥ snātvā brahmalokaṃ nayet pitṝn || amṛtaiḥ pañcabhiḥ snānaṃ puṣpavastrādyalaṅkṛtam | na kuryyādyo gadāpāṇe stasya śrāddhamanarthakam || nāgakūṭāt gṛdhrakūṭāddiśāñcottaramānasāt1 | etadgayāśiraḥ proktaṃ phalgutīrthaṃ taducyate || muṇḍapṛṣṭhanagādhastāt phalgutīrthamanuttamam | atra śrāddhādinā sarvve pitaro mokṣamāpnuyuḥ
Linked texts (3)
- Agnipurāṇa (Nag Publishers edition, Delhi) — Sanskrit
- Vāyupurāṇa — Vyāsa, Sanskrit
- Tristhalīsetu (Nārāyaṇa) — Nārāyaṇa (Mahiṣamaṅgalam) 1513, Sanskrit