Tirthacintamani 13.p35

13.p35

oṃ phalgutīrthe puṇyajale karomi snānamādṛtaḥ | pitṝṇāṃ viṣṇulokāya bhukti-muktiprasiddhaye || iti mantraṃ paṭhitvā phalgutīrthe majjet | tatastarpaṇaṃ tatra pitṛtarpaṇādau svadhodīraṇānantaraṃ pitaraṃ prīṇayāmīti prayojyam | tataḥpadeṣu śrāddham | tatra yadyapi brahma-viṣṇu-rudra-kaśyapapadānāmanyatamamevārambhasamāptyorvihitaṃ tathāpi rudrapade ārambhaḥ— phalgutīrthe caturthe'hni snātvā devāditarpaṇam | kṛtvā śrāddhaṃ gayāśīrṣe kuryyādrudrapadādiha || iti gārur̤āt | tathācādau rudrapadasamīpaṃ gatvā oṃ adyāpunarāvṛttikāmo rudrapadasparśanamahaṃ kariṣye | iti saṅkalpya spṛṣṭvā śrāddhamārabhya taddravyāṇi prokṣya oṃ adyātmasahita kulaśataśivapuranayanakāmo rudrapade śrāddhamahaṃ kariṣye iti saṅkalpya dvādaśadaivataṃ navadaivataṃ ṣaḍdaivataṃ vā śrāddhaṃ kuryyāt | tato viṣṇupadasamīpaṃ gatvā oṃ adya pāpakṣayakāmo viṣṇupadadarśanamahaṃ kariṣye iti saṅkalpya viṣṇupadaṃ dṛṣṭvā—oṃ adya pitṛmokṣakāmo viṣṇupadasparśanamahaṃ kariṣye iti saṅkalpya tatspṛṣṭvā oṃ adya pitṛmokṣakāmo viṣṇupade viṣṇupūjanamahaṃ kariṣye iti saṅkalpya viṣṇuprākāśakamantreṇa viṣṇuṃ pañcopacāraiḥ sampūjya tataḥ śrāddhīyadravyāṇi puṇḍarīkākṣasmaraṇapūrvakaṃ kuśodakena samprokṣya— oṃ adyātmasahita kulasahasroddharaṇapūrvakaviṣṇulokanayanakāmo viṣṇupade śrāddhamahaṃ kariṣye — iti saṅkalpya dvādaśadaivataṃ navadaivataṃ ṣaḍdaivataṃ vā saviśvedeva— pārvvaṇaśrāddhaṃ kṛtvā tadbhedidakṣiṇātaḥ—upaviśya ityupakramya ṛṇatrayādityastaṃ prāṅmukhaḥ pretaśilāsthānīyaṃ karmma kuryyāt | sannyāsināntu viṣṇupade daṇḍasaṃsparśanaṃ karttavyam | daṇḍaṃ saṃsparśayedbhikṣurgayāṃ gatvā na piṇḍadaḥ | nyasya daṇḍaṃ viṣṇupade mucyate pitṛbhiḥ saha || iti vāyupurāṇāt | tata oṃ adyātmasahitakulaśatanarakoddharaṇapūrvvaka brahmalokanayanakāmo brahmapade śrāddhamahaṃ kariṣye iti saṅkalpya tatra rudrapadavat śrāddhaṃ kuryyāt | atha dakṣiṇāgnipade śrāddhasya vājapeyaphalam | gārhapatyapade śrāddhasya rājasūyaphalam | kārttikeyapade śrāddhasya pitṛśivaloka nayanaṃ phalam | krauñcapade śrāddhasya pitṛbrahmalokanayanaphalam | kaśyapapade śrāddhasya pitṛbrahmalokanayanaṃ phalam | śrāddhopasaṃhārastu kaśyapapade karttavyaḥ | atha gayāśirasi—oṃ adyāmukagotrasyāmukaśarmmaṇaḥ svargaprāptikāmo gayāśirasi piṇḍadānamahaṃ kariṣye iti saṅkalpya sva-sūktorītyā'vanejanādi piṇḍasamutthāpanaparyyantaṃ karmma kuryyāt | tata oṃ adyāmukagotrasyāmukaśarmmaṇo mokṣaprāptikāmo gayāśirasi piṇḍadānamahaṃ kariṣye iti saṅkalpāvanejanādi—piṇḍasamutthāpanaparyyantaṃ karmma kuryyāt | evaṃ strīpiṇḍo'pi deyaḥ | atra na sambandhyādaro yeṣāṃ nānneti sāmānyaśabdasvarasāt | etacca piṇḍadānaṃ jihvalola madhusravā-muṇḍapṛṣṭhottaramānasadakṣiṇamānasabhyantare gadādharāvāsādipradeśe kvāpi karttavyam | krauñcapādāt phalgutīrthaṃ yāvat sākṣādgayāśiraḥ | iti vacanāt | krauñcapadañca muṇḍapṛṣṭhe | padāṅkitāṃ pretaśilāmadhikṛtya vāyupurāṇe— tāṃ dṛṣṭvā sarvvalokasya mahāpāpaughapātakī1| pūtaḥ karmādhikārī ca śrāddhakṛdbrahmalokabhāk || śilāsthiteṣu toyeṣu2 snātvā kṛtvā'tha tarpaṇam | śrāddhaṃ sapiṇḍakaṃ yeṣāṃ brahmalokaṃ prayānti te || sthāsyanti ca mariṣyanti yāntu brahmapurīṃ narāḥ | jarāyujā aṇḍajā vā dehaṃ tyaktā śilopari | gacchanti viṣṇusāyujyaṃ kulaiḥ saptaśataiḥ saha