Tirthacintamani 13.p54
Tīrthacintāmaṇi 13.p54
- Language
- Sanskrit
13.p54
śrāddhaṃ piṇḍapradānañca kṛtvā viṣṇupuraṃ nayet | pitṛbhiḥ saha dharmātmā kulānāñca śataiḥ saha || śilādakṣiṇahaste ca sthāpitaḥ kuṇḍaparvvataḥ | tatra śrāddhādinā sarvvān pitṝn brahmapuraṃ nayet || kuṇḍenātha tapastaptaṃ sītādrerdakṣiṇe girau | mataṅgasya pade puṇye piṇḍadaḥ svargayet pitṝn || vāmahaste śilāyāśca jayanto viṣṭato' giriḥ | udayādririrānīto hyagastyena mahātmanā || sthāpitaḥ piṇḍadastatra pitṝn brahmapuraṃ nayet | kuṇḍamudyantakantatra snātvā'laṃ tapase kṛtam2 || brahmā tatra ca sāvitrī-kumārābhyāṃ saha sthitaḥ | hāhā-hūhūprabhṛtayo gītanādaṃ pracakrire || snātastatra ca madhyāhne sāvitrīṃ samupāsya ca | koṭijanma bhavedvipro dhanāḍhyo vedapāragaḥ || agastyasya pade snātaḥ piṇḍado brahmalokagaḥ | pitṛbhiḥ saha dharmātmā pūjyamāno divaukasaiḥ || brahmayoniṃ praviśyātha nirgacchedadyastu mānavaḥ | paraṃ brahma sa yātīha vimukto yonisaṅkaṭāt || natvā gayākumārañca brāhmaṇyaṃ labhate naraḥ | somakuṇḍābhiṣekādyaiḥ somalokaṃ nayet pitṝn
Linked texts (2)
- Tīrthaprakāśa — Mitramiśra, Sanskrit
- Tristhalīsetu (Nārāyaṇa) — Nārāyaṇa (Mahiṣamaṅgalam) 1513, Sanskrit