Tirthacintamani 13.p61

13.p61

atra ca prathamavarṣottaraṃ patitādīnāmapi pitrādīnāṃ śrāddhaṃ piṇḍadānañca taṅgatasvargakāmanayā karttavyam | kriyate patitānāntu gate saṃvatsare kvacit | deśadharmmapramāṇatvāṅkhyākūpeṣu bandhubhiḥ | mārttaṇḍapādakūpe vā śrāddhaṃ hariharaṃ smaran || iti brahmapurāṇāt | smaranniti vyatyayena tṛtīyārthe prathamā | patitāstu brahmapurāṇe— śṛṅgi daṃṣṭri nakhi-vyāla viṣa vahni-striyā jalaiḥ | ṣādarāt pariharttavyaḥ kurvvan krīr̤āṃ mṛtastu yaḥ | nāgānāṃ vipriyaṃ kurvvan dagdhaścāpyatha vidyutā | nigdṛhītaḥ svayaṃ rājñā cauradoṣena kutracit | paradārān ramaṃstaśca dveṣāttatpatibhirhatāḥ | asamānaiśca saṅkīrṇaiścāṇḍālādyaiśca vigraham | kṛtvā tairnihatāścātha cāṇḍālādīn samāśritāḥ || garāgniviṣadāścaiva pāṣaṇḍāḥ krūrabuddhayaḥ krodhāt prāyaṃ viṣaṃ vahniṃ śastramuddandhanaṃ jalam | giridvakṣaprapātañca ye kurvvanti narādhamāḥ kuśilpajīvino ye ca sūnālaṅkārakāriṇaḥ | mukhe bhagāśca ye kecit klīvaprāyā napuṃsakāḥ brahmadaṇḍahatā ye ca ye cāpi brāhmaṇairhatāḥ | mahāpāṃtakino ye ca patitāste prakīrttitāḥ || iti— śṛṅgādibhiḥ krīr̤ā darpeṇa, vyāla-viṣābhyāṃ krīr̤ā jāṅgalikatvābhimānena, vahninā ca māntrikatvābhimānena striyā yauvanamadena jalairbāhusantaraṇādinā