Tirthacintamani 14.p11
Tīrthacintāmaṇi 14.p11
- Language
- Sanskrit
14.p11
tatra liṅge— sadā yajati yajñena sadā dānaṃ prayacchati | sadā tapasvī bhavati hyavimukte sthito naraḥ || na sā gatiḥ kurukṣetre gaṅgādvāre na puṣkare | yā gatirvihitā puṃsāmavimuktanivāsinām || sarvātmanā tapaḥ1 satyam prāṇināṃ nātra saṃśayaḥ | avimukte vasedyastu mama tulyo bhavennaraḥ || avimuktaṃ na sevante mūr̤hā ye tāmasā narāḥ | viṇmūtrarajasāṃ madhye te vasanti na saṃśayaḥ || avimukte sthitā nityaṃ pāṃśubhirvāyuneritaiḥ | spṛṣṭā duṣkṛtakarmmāṇo yāsyanti paramāṃ gatim || yastatra nivasedvipraḥ prayatātmā samāhitaḥ | 2traikālyamapi bhuñjāno vāyubhakṣaḥ sadā bhavet || māsametadvāse tu— tatra māsaṃ vaseddhīro yavāhāro jitendriyaḥ | samyak tena vrataṃ cīrṇaṃ divyaṃ pāśupataṃ mahat || janmamṛtyubhayaṃ tīrttvā sa yāti paramāṃ gatim | sa śreyasīṃ gatiṃ puṇyāṃ tathā yogagatiṃ labhet