Tirthacintamani 14.p18

Tīrthacintāmaṇi 14.p18

Language: Sanskrit

14.p18

brāhmaṇāḥ kṣatriyā vaiśyāḥ śūdrā vai varṇasaṅkarāḥ | kṛmimlecchāśca ye cānye saṅkīrṇāḥ pāpayonayaḥ || kīṭāḥ pipīlikāścaiva ye cānye mṛgapakṣiṇaḥ | kālena nidhanaṃ prāptā avimukte śṛṇu priye | candrārddhamauliyaḥ sarvve lalāṭākṣā vṛṣadhvajāḥ || śive mama pure devi jāyante tatra mānavāḥ | prāṇāṃstyajanti ye tatra prāṇinastaravastathā' || rudratvaṃ te samāsādya modante ca mayā saha | akāmo vā sakāmo vā api tiryyaggato'pi vā || avimukte tyajan prāṇān mama loke mahīyate | mama bhaktiparā nityaṃ nānyabhaktāśca ye narāḥ || tasmin prāṇān parityajya gacchanti paramāṃ gatim

Previous: 14.p17
Next: 14.p19
Up: 14

Linked texts (2)

Kṛtyasārasamuccaya (Amṛtanātha Jhā Śarman) — Amṛtanātha Jhā Śarman 1800, Sanskrit
Tīrthenduśekhara — Nāgeśa Bhaṭṭa, Sanskrit