Tirthacintamani 2.p27

2.p27

nanvevaṃ1 tathāpi - yāvanti nakharomāni vāyunā preritāni vai | patanti jāhnavītoye narāṇāṃ puṇyakarmaṇām || tāvadvarṣasahasrāṇi svargaloke mahīyate | ityādi vacanānāṃ gaṅgāyāṃ sakalamuṇḍanavidhāyakānāmavigītaśiṣṭācāropaṣṭambhena prayāgāvacchinnagaṅgāparatvaṃ| niṣedhavacanasya tadanavacchinnagaṅgāparatvamiti nirṇayāt | kathantarhi sarvvatīrtheṣviti bahuvacanaṃ sarvvatīrthapadasya bahuvrīhiṇā prayāgavacanatve siddhe tasyāvivakṣitatvāt grahaṃ saṃmārṭṭītivat | kathantarhi gayādiviśeṣaniṣedhaḥ | itthaṃ yad madgaudgurabhavatoti viśeṣavidhineva māṣādiniṣedhe siddhe punarapyayajñīyā vai māṣā iti māṣaniṣedhavacanaṃ yathā pratinidhiviṣayā api2 māṣā na grāhyā atyantāyajñīyatvādityavaṃparam| tathā gayādivapananiṣedho'pi atyantāprāśastyapara iti | sarvvatīrthapadasya prayāgavācakaparatve kiṃmānamiti cetevaṃ kuruṣva kaunteya sarvvatīrthābhiṣecanam | yāvajjīvakṛtaṃ pāpaṃ tatkṣaṇādeva naśyati