Tirthacintamani 3.p31

Tīrthacintāmaṇi 3.p31

Language: Sanskrit

3.p31

prayāge dhūmapāne tatraiva,— adhaḥśirāstu yo dhūmamūrddhabāhuḥ pivennaraḥ | śataṃ varṣasahasrāṇāṃ svargaloke mahīyate || paribhraṣṭastu rājendra agnihotrī bhavennaraḥ | bhuktvā tu vividhān bhogān tattīrthaṃ labhate punaḥ || atha maraṇaphalam | matsyapurāṇe,āprayāgapratiṣṭhānāt yatpuro vāsukihradāt | kambalāśvatarau nāgau nāgācca bahumūlakāt1 || etat prajāpateḥ kṣetraṃ triṣu lokeṣu viśrutam | tatra snātvā divaṃ yānti ye mṛtāste'punarbhavāḥ || ṛgvedo'pi,sitāsite sarito yatra saṅgastatrāplutā so divamutpatanti | ye vai tanuṃ visṛjanti dhīrāste vai janāso'mṛtatvaṃ bhajante

Previous: 3.p30.5
Next: 3.p32
Up: 3

Linked texts (1)

Tīrthaprakāśa — Mitramiśra, Sanskrit