Tirthacintamani 3.p33

Tīrthacintāmaṇi 3.p33

Language: Sanskrit

3.p33

vyādhito yadi vā dīno ku[ṣṭra]ddho vāpi bhavennaraḥ | gaṅgāyamunamāsādya yastu prāṇān parityajet || dīptakāñcanavarṇābhairvimānaiḥ sūryyavarcasaiḥ | gandharvāpsarasāṃ madhye svarge modati mānavaḥ || īpsitān labhate kāmān vadanti ṛṣipuṅgavāḥ | sarvvaratnamayaṃ divyaṃ nānādhvajasamākulam || varāṅganāmākīrṇaṃ vimānaṃ śubhalakṣaṇam | gītavāditranirghoṣaiḥ prasuptaḥ pratibudhyate || yāvanna smarate janma tāvat svarge mahīyate | tataḥ svargāt paribhraṣṭaḥ kṣīṇakarmā divaścyutaḥ || hiraṇyaratnasampūrṇe samṛddhe jāyate kule | tadeva smarate tīrthaṃ smaraṇāttatra gacchati

Previous: 3.p32
Next: 3.p34
Up: 3

Linked texts (1)

Tīrthaprakāśa — Mitramiśra, Sanskrit