Tirthacintamani 3.p36

Tīrthacintāmaṇi 3.p36

Language: Sanskrit

3.p36

urvvaśīpuline ramye vipule haṃsapāṇḍure | parityajati yaḥ prāṇān śṛṇu tasyāpi yatphalam || ṣaṣṭivarṣasahasrāṇi ṣaṣṭivarṣaśatāni ca | vaset sa pitṛbhiḥ sārddhaṃ svargaloke narādhipa || urvvaśīñca sadā paśyeddevaloke narottamaḥ | pūjyate satataṃ devai ṛṣi-gandharvva-kinnaraiḥ || tataḥ svargāt paribhraṣṭaḥ kṣīṇakarmā divaścyutaḥ | urvvaśīsadṛśā(śī)nāntu kanyānāṃ labhate śatam || madhye nārīsahasrāṇāṃ bahūnāñca patirbhavet | daśa-grāmasahasrāṇāṃ bhoktā bhavati bhūmipaḥ || kāñcī-nūpuraśabdena supto'sau pratibudhyate | bhuktvā tu vipulān bhogān tattīrthaṃ labhate punaḥ

Previous: 3.p35
Next: 3.p37
Up: 3

Linked texts (4)

Padmapurāṇa — Vyāsa, Sanskrit
Matsyapurāṇa — Vyāsa, Sanskrit
Kūrmapurāṇa — Vyāsa, Sanskrit
Tristhalīsetu (Nārāyaṇa) — Nārāyaṇa (Mahiṣamaṅgalam) 1513, Sanskrit