Tirthacintamani 4.p152

4.p152

kalpāvacchinnayathepsitavarabahubhogopabhoga-taduttaraśaśāṅkalokagamanatadadhikaraṇakaviṃśatikalpāvacchinna-bahuśubhabhogopabhoga-taduttarasurapūjitanānāścaryyamayapuṇyagandharvvāpsaraḥsevitā''dityalokagamana-tadadhikaraṇakadaśakalyāvacchinna-bahuśubhabhogopabhoga-taduttara-sudurlabhagandharvvalokagamana-tadadhikaraṇaikakalpāvacchinna-samastabhogopabhogataduttaramedinyadhikaraṇaka-paramadhārmikamahāvīryya-sarvvaguṇālaṅkatacakravarttitvaprāpti-sadakṣiṇabahuyajñakaraṇa-taduttaramokṣaprada-yogilokagamana-tadadhikaraṇakayāvadābhūtasaṃplavavarabahubhogopabhoga-taduttaravaiṣṇavadurlabhasādhusammatayogikulādhikaraṇakacaturvedi-vipravara--svajanmataduttarasadakṣiṇa-bahuyajñakaraṇa-taduttaravaiṣṇavayogaprāptipūrvvakamokṣāvāptikāmaḥ chatayātnādvādaśapratiṣṭhāmahaṃ kariṣye | iti saṅkalpya jalāśayaṃ gatvā praviśya tatra-tīrthāṇi āgacchantu ityāvāhya nārāyaṇaṃ dhyātvā svasūtroktavidhinā snātvā tarpaṇaṃ kṛtvā-uttīryya dhaute vāsasī paridhāyā''camya bhāskarābhimukho'ṣṭottaraśataṃ gāyatrīṃ japitvā tataḥ sauramantrānapi yathājñānaṃ japitvā triḥ pradakṣiṇīkṛtyādityaṃ praṇamya maunenāyatanaṃ gatvā puruṣottamaṃ pūjayet | tadyathāādāvaṣṭottaraśatapalamitena gavyaghṛtena tato madhunā, gavyodakena, tatastīrthodakena tataścandanodakena, tūṣṇīṃ puruṣottamaṃ snāpayet | tataḥ śreṣṭhaṃ vāsoyugaṃ bhaktyā paridhāpayet | tato gandhena mallikādipuṣpeṣu pūjayet || tato'gurudhūpaṃ, gugguladhūpaṃ vā dadyāt, ghṛtadīpaṃ dadyāt | tato'nyānapi dvādaśadīpān ghṛtena tailena vā dadyāt | naivedyañca—pāyasāpūpa-śaṣkulī-vaṭaka-modaka-phāṇita-phalāni dadyāt | phāṇitaṃ gur̤avikāraḥ, śālukākāro loṣṭabhūtaḥ khaṇḍo vā | tataḥ—oṃ “namaḥ puruṣottamāya” iti mantramaṣṭottaraśataṃ japet | tataḥ— oṃ namaste sarvvalokeśa bhaktānāmabhayaprada | saṃsārasāgare magnaṃ trāhi māṃ puruṣottama || yāste mayā kṛtā yātrā dvādaśaiva jagatpate | prasādāttava govinda sampūrṇāstā bhavantu me || iti paṭhitvā prasādayet | tato daṇḍavat praṇipatet | tato guruṃ viṣṇuvadarccayet | tataḥ puruṣottamopari puṣpamaṇḍapaṃ kuryyāt | tato rātrau vāsudevasya kathābhirgītibhiśca jāgaraṇaṃ kuryyāt | viṣṇuṃ dhyāyan stuvan namasyaṃśca rātriṃ nayet | tataḥ prabhāte vedapāragān saṃyatendriyān paurāṇikāṃśca dvādaśa brāhmaṇān nimantrayet | tataḥ pūrvvavat snānādi kṛtvā puruṣottamaṃ snāpayitvā pūrvvavaddaṇḍavatpraṇāmāntāṃ pūjāṃ vidhāya brāhmaṇebhyo dvādaśavāsoyugāni hiraṇyakhaṇḍāni chatrāṇi upānadyugalañca śraddhayā dadyāt | tato gurave gāṃ vastraṃ hiraṇyaṃ chatram, upānahau kāṃsyapātrañca dadyāt | tato nimantritabrāhmaṇān bhojyaṃ, pāyasaṃ, pakvānnaṃ bhakṣyaṃ gur̤añca bhojayet