Tirthacintamani 4.p23

4.p23

mahotsedhaṃ mahākāyaṃ prasuptañca jalāntike | 1sāndramāñjiṣṭhavarṇābhaṃ nāmajātivivarjitam || naranāthastathā viṣṇordrumaṃ dṛṣṭvā mudānvitaḥ | paraśunā prātayāmāsa śitena ca dṛr̤hena ca || dvaidhībhūtamatistatra babhūvendrasakhastathā | niricchamāṇe kāṣṭhe tu babhūvādbhutadarśanam || viśvakarmā ca viṣṇuśca viśvarūpadharāvubhau | ājagmaturmahātmānau tadā tulyāgrajanmanau || jvalamānau 2svatejobhirdivyasraggandhalepanau | atha tau taṃ samāgamya nṛpamindrasakhantadā || tāvabrūtāṃ mahārāja kimatra tvaṃ kariṣyasi | kimarthaṃ te mahābāho ghātitastu vanaspatiḥ || asahāyo mahādurge nirjjane gahane vane | mahāsandhutaṭe caiva kathaṃ vai ghātito drumaḥ | tayoḥ śrutvā vaco viprāḥ sa tu rājā mudānvitaḥ || vabhāṣe vacanaṃ tābhyāṃ mṛdūni madhurāṇi ca | dṛṣṭvā tau brāhmaṇau tatra candrasūryāvivāgatau || namaskṛtya jagannāthāmavāṅmukhatvamāsthitaḥ3