Tirthacintamani 4.p55

4.p55

dṛṣṭvā taṃ devadeveśaṃ bhaktyā pūjya praṇamya ca | daśānāmaśvamedhānāṃ phalaṃ daśaguṇaṃ labhet || pāpaiḥ sarvvairvinirmukto guṇaiḥ sarvvairalaṅkṛtaḥ | sarvvakāmasamṛddhātmā jarāmaraṇavarjjitaḥ || sauvarṇena vimānena kiṅkiṇījālamālinā | sarvvakāmasamṛddhena kāmagena suvarcasā || taruṇādityavarṇena muktāhārāvalambinā | divyastrīśatayuktena divyagandharvvanādinā || kulaikaviṃśamuddhṛtya devavanmuditaḥ sukhī | stūyamāno'psarobhiśca viṣṇulokaṃ vrajennaraḥ || bhuktvā tatra varān bhogān viṣṇuloke dvijottamaḥ | gandharvvairapsarairyyuktaḥ kṛtvā rūpaṃ caturbhujam || 1samāhlādakaraṃ saukhyaṃ yāvadāhūtasaṃplavam | puṇyakṣayādihāyātaḥ pravare yogināṃ kule || caturvedī bhavedvipro vedavedāṅgapāragaḥ | vaiṣṇavaṃ yogamāsthāya tato mokṣamavāpnuyāt