Tirthacintamani 4.p65

4.p65

oṃ adya ekaviṃśatikuloddharaṇapūrvvakajanmakoṭisamudbhavabahupāpavinimmukti--paramaśrīyutasarvvaguṇopetātmakakarttṛka--sarvvakāmasamṛddhasuvastrau vimānakaraṇakaviṣṇupuragamana-tadadhikaraṇakakalpaśataparyyantagandhabbīpsaraḥsahita-caturbhujātmīyaviṣṇuvanmanorama-bahubhogopabhogataduttaraihikaviprapravarakulādhikaraṇaka sarvvajña-sarvvavedi-gatamatsarasvadharmmanirata-śānta-dātṛ-bhūtahitaratātmīyajanma-taduttaravaiṣṇavayogaprāptipūrvvakamokṣāvāptikāmaḥ kṛṣṇadarśanamahaṃ kariṣye | praṇāme'pi pūrvvokteṣvanyatamat phalamiti | atha subhadrāpūjā | oṃ adya kāmagavimānakaraṇakaviṣṇupuragamana-tadadhikaraṇakāhūtasaṃplavaparyyantadevavatkrīḍana-taduttaraihikavedavidbrāhmaṇatvabhavanataduttarahariyogaprāptipūrvvakamokṣaprāptikāmaḥ subhadrāpūjanamahaṃ kariṣye | iti saṅkalpya pañcopacāreṇa pūjayet | pūjāmantrastu — oṃ namaste sarvvage devi namaste śubhasaukhyade | trāhi māṃ padmapatrākṣi kātyāyani namo'stu te || praṇipāte prasādane cā'yaṃ mantraḥ | evaṃ saṅkarṣaṇaṃ, kṛṣṇaṃ, subhadrāñca dṛṣṭvā sampūjya praṇamya stutvā devālayānniṣkramya punaḥ puruṣottamaṃ praṇamya kṛtakṛtyo bhavati | tataḥ — puruṣottamāt prathamaṃ brahmasthāpitāmindranīlamayīṃ viṣṇupratimāṃ puruṣottamadakṣiṇe akṣayavaṭavāyavye vālukācchannāmantarhitāṃ gatvā — tatra oṃ adya viṣṇupuragamanakāma indranīlamayaviṣṇupraṇāmamahaṃ kariṣye | iti saṅkalpya praṇamet