Tirthacintamani 4.p82

Tīrthacintāmaṇi 4.p82

Language: Sanskrit

4.p82

karṇikāyām | oṃ sumeroḥ pādapīṭhe'tra padmaklapitamāsanam | sarvvasattvahitārthāya tiṣṭha tvaṃ madhusūdana || oṃ namo nārāyaṇāya namaḥ | arghyamantraḥ— oṃ trailokyapatīnāṃ pataye devadevāya hṛṣīkeśāya viṣṇave namaḥ | oṃ namo nārāyaṇāya namaḥ || pādyamantraḥ— oṃ pādyantu pādayordeva padmanābha sanātana | viṣṇo kamalapatrākṣa gṛhāṇa madhusūdana || oṃ namo nārāyaṇāya namaḥ || madhuparkamantraḥ— madhuparkaṃ mahādeva brahmādyaiḥ kalpitaṃ tava | mayā niveditaṃ bhaktyā gṛhāṇa puruṣottama || oṃ namo nārāyaṇāya namaḥ || tatraiva brahmapurāṇe— ācamanīyamantraḥ— mandākinyāḥ sitaṃ 1vāri sarvvapāpaharaṃ śivam | gṛhāṇācamanīyaṃ tvaṃ mayā bhaktyā niveditam || oṃ namo nārāyaṇāya namaḥ

Previous: 4.p81
Next: 4.p83
Up: 4

Linked texts (1)

Brahmapurāṇa — Vyāsa, Sanskrit