Tirthacintamani 7.p10

7.p10

etat śvetasthabhāskareśvaradarśane— oṃ adya sarvvapāpavinirmukta-vimānavarāvasthitabahugandharvvopagīyamāna × × śivalokagamana-tadadhikaraṇakāṅgatasaṃplavaparyyantabahuvarabhogopabhoga-taduttaraitalaukikadhārmika-yajñadānaśīlapṛthivīpatitvabhavanakāmaḥ kuṇḍasnānapūrvvakabhāskareśvaradarśanamahaṃ kariṣye| iti saṅkalpya kuṇḍe snātvā taṃ paśyet | mukteśvara-siddheśa-svarṇajāleśvara-parameśvarāṇāmanyatamadarśane— oṃ adya sarvvapāpavinirmuktavimānavarāvasthitabahugandharvvopagīyamānātmīyaśivalokagamana--tadadhikaraṇakaikakalpāvacchinnavipulamanoramabahubhogopabhoga-taduttaraitalaukika-pravarayogikula -yogigehānyatarādhikaraṇakavedavedāṅgapāragasarvvabhūtahitaratamokṣaśāstrārthakuśala samabuddhi'dvijavaratvabhavana--taduttaravaraśambhuyogaprāptipūrvvaka mokṣaprāptikāmo vindusaro'mbhasi snātvā mukteśvaramarccayitvā taddarśanamahaṃ kariṣye | iti saṅkalpya vindusarasi snātvā mukteśvaramabhyarcya paśyet | evaṃ siddheśādāvapi | rathyāsthitaliṅgāntarapūjane tu— oṃ adya śivalokagamanakāmo brahmapurāṇoktavidhinā kṛttivāsaḥkṣetrasthaśivaliṅgapūjanamahaṃ kariṣye | iti saṅkalpya —