Tirthacintamani 7.p2
Tīrthacintāmaṇi 7.p2
- Language
- Sanskrit
7.p2
tathā brahmovāca — viraje virajā mātā brahmāṇī sampratiṣṭhitā | yasyāḥ sandarśane' marttyaḥ punātyāsaptamaṃ kulam || snātvā dṛṣṭvā tu' tāṃ devīṃ bhaktyā''pūjya praṇamya ca | naraḥ svavaṃśamuddhṛtya mama lokaṃ sa gacchati || anyāśca tatra tiṣṭhanti viraje lokamātaraḥ | sarvvapāpaharā devyo varadā bhaktavatsalāḥ || āste vaitaraṇī tatra sarvvapāpaharā nadī | yasyāṃ snātvā naraśreṣṭhaḥ sarvvapāpaiḥ pramucyate || āste svayambhūstatraiva kroḍarūpī hariḥ svayam | dṛṣṭvā praṇamya taṃ bhaktyā naro viṣṇupuraṃ vrajet || 4kapilāgonode grahe somatīrthe cālābusaṃjñake | mṛtyuñjaye kroḍatīrthe 'vasusiddheśvare tathā || tīrtheṣveteṣu matimān yat phalaṃ labhate naraḥ | tatphalaṃ samavāpnoti viraje snānatarpaṇāt