Tirthacintamani 8.p1

8.p1

oṃ adyābhimataphalaprāptikāmaḥ sāgarasnāna-sūryyārghyadāna tatpraṇāmamahaṃ kariṣye | iti saṅkalpya sāgare savidhitarppaṇāntaṃ snānaṃ kṛtvā sūryyaṃ praṇamet | tataḥ puṣpamādāya maunī koṇārkamaṭhaṃ praviśya-oṃ adya daśāśvamedhajanyaphalasamaphalaprāpti-saptā'varasaptaparavaṃśoddhārapūrvvaka sarvvapāpavinirmmuktavaradivyavapurvarabahugandharvvopagīyamānārkyārkavarṇakāmagasuvarṇavimānakaraṇaka--sūryyalokagamana-tadadhikaraṇakāhūtasaṃplavaparyyantavarabahubhogopabhoga-taduttaraitallaukikapravarayāgikulādhikaraṇakacaturvedisvadharmanirataśucivipratvabhavana-taduttaradivyasatiyogaprāptipūrvvakamokṣāvāptikāmo brahmapurāṇoktavidhinā koṇārkapūjanamahaṃ kariṣye | iti saṅkalpya arkaṃ triḥ pradakṣiṇīkṛtyāgamikairvaidikaiśca mantrairgandha-puṣpa-dhūpa-dīpa-naivedya-daṇḍapraṇāma-jayaśabdairarcayet | athā'traiva rāmeśvaravidhiḥ-oṃ adya rājasūyāśvamedhaphalasamaphala paramasaṃsiddhiprāptikāmaḥkiṅkiṇījālamālivimānakaraṇaka-gandharvvopagīyamānātmakakarttṛkaśivalokagamana-tadadhikaraṇakāhūtasaṃplavaparyyantamuttama-bahubhogopabhoga taduttaraihikayajurvvedivipratvabhavan-taduttaraśaṅkarayogaprāptipūrvvakamokṣāvāptikāmo brahmapurāṇoktavidhinā rāmeśvarapūjāmahaṃ kariṣye | iti saṅkalpya samudre savidhi snātvā koṇārkavadeva rāmeśvaramarccayet | atha virajākṣetraprayogaḥ | oṃ adyā''saptakulapavitrīkaraṇakāmo virajādarśanamahaṃ kariṣye | iti saṅkalpya paśyet | asyāstu snānapūrvvaka-darśana-pūjā-praṇāmānāṃ svavaṃśoddhārapūrvvakabrahmalokagamanaṃ phalam || vaitaraṇīsnāne sarvvapāpavinirmuktiḥ phalam | kror̤arūpi-viṣṇudarśane viṣṇupuragamanaṃ phalam | evaṃ vārāhīdarśane'pīti