Tirthacintamani 9.p1

9.p1

oṃ gaṅgāyai namaḥ | jalakrīr̤ālolatridaśataruṇīnāgaramaṇī navaśroṇi śreṇī-ghanajaghana-pīnastanabharaiḥ | truṭadvīcīcañcatkanakalahaṃsīkalaravaiḥ samāhūtabrahmaśriyamiva bhaje devasaritam || majjaddevavadhūṭikākucataṭīsaṃghaṭṭasañcūrṇitā gaṅgāyā jalavīcayo madhulihāṃ śreṇībhirācumbitāḥ | cañcaccañcalacakravākataruṇīsaṃbhrāntanetrāñcalairāpītā jagatāṃ diśantu satataṃ kalyāṇamavyāhatam || tatrādau māhātmyam— atra viṣṇupurāṇe— tataḥ prabhavati brahman sarvvapāpaharā sarit | gaṅgā devāṅganāṅgānāmanulepanapiñjarā || mahābhārate— te deśāste janapadāste śramāste ca parvvatāḥ | yeṣāṃ bhāgīrathī puṇyā madhye yāti saridvarā || tapasā brahmacaryyeṇa yajñaistyāgena vā punaḥ | tāṃ gatiṃ na labhante tu gaṅgāṃ saṃsevya yāṃ labhet || pūrbbaṃ vayasi karmāṇi kṛtvā pāpāni ye narāḥ | śeṣe gaṅgāṃ niṣevante te'pi yāntyuttamāṃ gatim || tiṣṭhedyugasahasrantu pādenaikena yaḥ pumān | māsamekantu gaṅgāyāṃ samau syātāṃ nabā samau || tapyate'vākśirā yastu yugānāmayutaṃ pumān | tiṣṭhedyatheṣṭaṃ yaścāpi gaṅgāyāṃ sa viśiṣyate || bhūtānāmiha sarveṣāṃ duḥkhopahatacetasām | gatimanveṣamāṇānāṃ na gaṅgāsadṛśī gatiḥ || prakaṣṭairaśubhairgastānanekaiḥ puruṣādhamān | patato narake gaṅgā saṃśritān pretya tārayet