Tirthacintamani 9.p10

9.p10

brahmāṇḍapurāṇe— cintāmaṇigaṇāñcāpi gaṅgāyāstoyavindavaḥ | viśiṣṭā yatprayacchanti bhaktabhyo'cintitaṃ1 phalam || gaṇḍūṣamātrato bhaktyā sakṛdgaṅgāmbhasā naraḥ | kāmadhenustanodbhūtān bhuṅkte divyarasāndivi2 || sarvvapāpaṃ nihatyeha reje gaṅgājalokṣitaḥ | apahṛtya tamastīvraṃ bhāti sūryyo yathodaye || mano-vākkāyajairgrastaḥ pāpairbahuvidhairapi | vīkṣya gaṅgāṃ bhavetpūtaḥ puruṣo nā'tra saṃśayaḥ || tathā— gaṅgātoyābhiṣiktantu bhakṣya3maśnāti yogavit | sarpavalkañcukaṃ tyaktvā pāpahīno narottamaḥ | svargāpavargikāṃ siddhiṃ prāpnotyeva na saṃśayaḥ || tathā gaṅgājalairdigdhaḥ4 pavanaḥ puruṣaṃ yadā | spṛśate so'pi pāpmānaṃ sarvvadyai5vāpavarjjati || nāradīye— himavadvindhyasadṛśā rāśayaḥ pāpakarmaṇām | gaṅgāmbhasā te naśyanti viṣṇubhaktihatāpadaḥ6