Tirthacintamani 9.p105

9.p105

sahasraguṇitaṃ tatra phalaṃ syādbhūmidānataḥ | sūryyakoṭipratīkāśairdivyastrīkoṭisaṃyutaḥ || divyaratnamayaiścitairvimānairvaiṣṇave pure | krīr̤ate sarvvasampannaḥ 1śāṅkare ca pure tathā || svakīyapitṛbhiḥ sārddhaṃ krīr̤ate kālamakṣayam || yāvattu grāmabhūmervai paramāṇuṣu saṃkhyayā | bhogān bhuktvā tathā loke jāyate yogināṃ kule || aṇimādiguṇairyuktaḥ svayaṃ bhogī bhavatyapi | dehānte nirmale nitye pare brahmaṇi līyate || tathā tasyāṃ tṛtīyāyāṃ vedavidbrāhmaṇāya vai | māṣaṣor̤aśamātraṃ vā suvarṇaṃ yaḥ prayacchati || sa hemaratnakhacite vimāne sarvvage śubhe | sarvvapāpavinirmuktaḥ sarvvabhūṣaṇabhūṣitaḥ || sarvvaiśvaryyasamṛddhaśca sarvvalokeṣu sarvvadā | brahmāṇḍāntarasaṃsthe tu ratnabhogān pṛthagvidhān || anubhūya svapitṛbhiryāvadābhūtasaṃplavam | tato rudrasya sāyujyaṃ prāpnoti ca na saṃśayaḥ || tathāgaṅgāyāṃ kuśadānena brahmalokaṃ samāpnuyāt | viṣṇośca yavadānena rudralokaṃ tathaiva ca || prāpnoti tiladānena homenaiśvaryyamāpnuyāt