Tirthacintamani 9.p107

9.p107

vāso hiraṇyaratnāni patra-puṣpa-phalāni ca | annadānādikañcāpi svasya yadyadatipriyam || tattadbhaktyeha gaṅgāyai yaḥ prayacchati mānavaḥ | tattat svargasya cānte hi samprāpyaiveha janmani || pretya cāpnoti niyataṃ nirvvāṇaṃ vā nirañjanam | gaṅgātīre naro yastu jambāmravakulāvṛtam || kadalī-nārikelaiśca kapitthāśokacampakaiḥ | panasairvvilvavṛkṣaiśca kadambāśvatthapāṭalaiḥ || nāraṅgermātuluṅgaiśca vṛkṣairanyaiśca saṃyutam | jātī(ti)vijaya-punnāga-karavīrayutaṃ tathā | nicitaṃ kārayitvaivamārāmaṃ puṣpaśobhitam || śivāya viṣṇave vāpi durgāyai bhāskarāya vā | prayacchati tathā bhaktyā sarvvārthaṃ parikalpya ca || tasya puṇyaphalaṃ vakṣye saṃkṣepānna tu vistarāt | yāvanti teṣāṃ vṛkṣāṇāṃ puṣpa-mūla-phalāni ca || bījāni ca vicitrāṇi teṣāṃ mūlāni vai tathā | tāvatkalpasahasrāṇi teṣāṃ loke mahīyate