Tirthacintamani 9.p13

9.p13

tatra skandapurāṇesa eva devairmartyaiśca pūjanīyo maharṣibhiḥ | yo vai gaṅgāṃ samāśritya sukhaṃ tiṣṭhati nirbhayaḥ || tathātiṣṭhedavākśirā yastu varṣāṇāmayutaṃ naraḥ | yaḥ sevate māsamekaṃ gaṅgāṃ sa tu viśiṣyate || nāradīyekimaṣṭāṅgena yogena kiṃ tapobhiḥ kimadhvaraiḥ | vāsa eva hi gaṅgāyāṃ brahmajñānasya kāraṇam || brāhmetiṣṭhedyugasahasrantu pādenaikena yaḥ pumān | māsamekantu gaṅgāyāṃ samau syātāṃ na vā samau || brahmāṇḍe— kiṃ yajñairbahuvittāḍhyaiḥ kiṃ tapobhiśca tāpanaiḥ | svarga-mokṣapradā gaṅgā sukhasevyā yataḥ sthitā || yajñairdharmaiśca niyamairdānaiḥ saṃnyāsato'pi vā | na tatphalamavāpnoti gaṅgāṃ prāpya yadāpnuyāt || prabhāse gosahasreṇa rāhugraste divākare | yatphalaṃ labhate martyo gaṅgāyāṃ taddine dine || anyopāyāṃstu yastyaktā mokṣakāmaḥ suniścitaḥ | gaṅgātīre sukhaṃ tiṣṭhet sa vai mokṣasya bhājanam || vāraṇasyāṃ viśeṣeṇa gaṅgā sadyastu mokṣadā || pratimāsaṃ caturddaśyāmaṣṭamyāñcaiva sarvvadā | pakṣayorubhayoścaiva sarvvaparvvasu sarvvadā || gaṅgātīranivāsaśca yāvajjīvapratijñayā || yasya sidhyati dharmmātmā sa devo nā'tra saṃśayaḥ | bhaviṣye— 1kṛcchrādiniyamān kṛtvā naro yatphalamaśnute || sadā cāndrāyaṇañcaiva tallabhaijjāhnavītaṭe || gaṅgāsevāparasyeha divasāddhaina yatphalam | na tacchakyaṃ samatvena 2prāptuṃ kratuśatairapi || sarvvayajña-tapo-dāna-yoga-svādhyāyakarmmabhiḥ | yatphalaṃ tallabhaidbhaktyā gaṅgātīre nivāsataḥ