Tirthacintamani 9.p141

9.p141

kasyāmapi pūrṇimāyāṃ viddhyādidoṣarahitāyāṃ kṛtanityakriyaḥoṃ bhagavan sūryya bhagavatyo devatā adyādi varṣaṃ sarvvapañcadaśīpraharadvayakālīnagaṅgādhikaraṇakapāyasādi-prakṣepādi-vratamahamācariṣyāmīti nivedya-kuśānādāya--oṃ gaṅgāsākṣātkārakāmo'dyādisarvvaṃ pratipaurṇṇamāsaṃ pratidaśaṃ praharadvaye gaṅgāyāṃ madhukhaṇḍaghṛtasahitapāyasa bahūpūpa-modaka-maṇḍala-guñjārddhamitasuvarṇṇa-rūpya-candanāgurukarpūra-kuṅkumakhaṇḍa-guggulu bahunimbapatra bahudūrvvā--gorocanā sitacandana-nīlotpala tatpannānyatamaprakṣepamahaṃ kariṣye| iti saṃkalpayet | tataḥ śālitaṇḍulena prasthamitena prasthadvayamitagavyadugdhasādhitena pāyase niṣpanne palamitaṃ madhu palamitaṃ khaṇḍam palamitaṃ gavyaghṛtañca prakṣipya tatpāyasamapūpatrayaṃ modakatrayaṃ maṇḍalatrayaṃ varttikāīhiraṇyaṃ varttikāīrajataṃ candanamaguru karpūraṃ kuṅkumaṃ candanaṃ gugguluvimvapatrāṇi dūrvvāśca gorocanāṃ sitacandanaṃ nīlotpalaṃ tatpatraṃ vā sarvvamekasmin pātre nidhāya tacca dakṣiṇahastenādāya kṛtanityakriyo divasamadhye prāṅmukha upaviṣṭaḥ pavitropagrahapāṇirācāntassamanāḥ śraddhayā bhaktyā ca oṃ gaṅgāyai nārāyaṇyai śivāyai namo nama iti mantreṇaikadaiva gaṅgāpravāhe kṣipet | tatra imameva mantraṃ—gaṅgājalapraviṣṭo gaṅgāṃ dhyāyannaṣṭottaraśataṃ japet | tatastaddine saṃyatendriyo mitahaviṣyāśī ca bhavedevaṃ pratipaccaddaśī varṣapūrttiparyyantaṃ bhavet | pūrttidine cāmāvāsyātmake brāhmaṇatrayaṃ bhojayet | atha māghaprayogaḥ | prathamadine prātaḥ- oṃ bhaviṣyapurāṇoktavidhinā adyādi-māghaṃ naktavratamahamācariṣyāmīti' nivedya kuśādikamādāya - oṃ aihikabahubhogopabhogaprāptyanantarānuttamagatiprāptaundranīlapratīkāśa-śikhisaṃyuta-divyaratnamaya-divyabhogasamanvita bahuvimānakaraṇakaramyaśivapuragamana--tadadhikaraṇaka-sarvvasvakula-bahusuhṛtsahita-yāvadāhūtasaṃplavavividhābhīpsita--bahubhogopabhogakāmo'dyādimāghaṃ bhaviṣyapurāṇoktarītyā gaṅgātīre śivāyatanapārśve naktavratamahamācariṣye - iti saṃkalpya pratyahaṃ pūrvvāhne śivapūjāṃ tilamudgasahitaiḥ śvetadhānyataṇḍulaiḥ sādhitakṛśararūpanaivedyadānasahitāṃ kuryyāt yathoktahomañca kuryyāt | homaścāyaṃ śivadevatāko vrataparyyālocanena śivadevatākatvasyārthato'tideśāditi kecit | tataḥ sāyaṃ-sandhyottaraṃ kṛśarānnaṃ kevalaṃ palāśapatre kṛtvā śivaṃ smṛtvā -tataśca-dharmarājāya namaḥ, durgāyai namaḥ, iti balidvayaṃ datvā hūm̐kārādi nivṛtyā bhuñjīta | tato rātrau bhūmisrthitāyāṃ śayyāyāṃ śayīta | caturdaśyāmapavāsa eva karttavyaḥ | paurṇamāsyāntu gandhairgaṅgājalena dugdhena madhunā ca aṣṭottaraśatapalaparimāṇena tannyūnenāpi yathāśaktyupahṛtena śivaṃ