Tirthacintamani 9.p151

9.p151

bhaviṣye— prāṇeṣūtsūjyamāneṣu gaṅgāṃ yaḥ saṃsmarennaraḥ | sṛṣṭohā pāpaśīlo'pi sa yāti paramāṃ gatim || bhārate-- gaṅgāṃ gatvā yaiḥ śarīraṃ visṛṣṭaṃ gatā dhīrāste vibudhaiḥ samatvam | gaṅgāsāgaramupakramya— antarīkṣe kṣitau toye pāpīyānapi yo mṛtaḥ | brahma-viṣṇu-śivaiḥ pūjyaṃ padamakṣayamaśrute || tathā— utkrāmadbhiśca yaḥ prāṇaiḥ prayatataḥ śiṣṭasammataḥ | cintayenmanasā gaṅgāṃ sa gatiṃ paramāṃ labhet || brahmāṇḍe,— yatra tatra mṛto vāpi maraṇe samupasthite | bhaktyā gaṅgāṃ smaran yāti naraḥ śivapuraṃ mṛtaḥ || atha gaṅgāyāmasthisthitiphalam | tatra viṣṇupurāṇe,— śambhoja̍ṭākalāpāttu viniṣkrāntāsthiśarkarāḥ | plāvayitvā divaṃ ninye yān pāpān sagarātmajān || kaurme-yāvantyasthīni gaṅgāyāṃ tiṣṭhanti puruṣasya vai | tāvadvarṣasahasrāṇi svargaloke mahīyate || gaṅgātoyeṣu yasyāsthi nītvā saṃkṣipyate naraiḥ | varṣāṇāntu sahasrāṇi tasya svarge bhavet sthitiḥ || brahmāṇḍapurāṇe-yasmin kāle nṛṇāmasthi gaṅgāyāṃ kṣipyate naraiḥ | tatkālamāditaḥ kṛtvā svargaloke bhavet sthitiḥ || yamaḥgaṅgātoyeṣu yasyā̍sthi plavate śubhakarmaṇaḥ | na tasya punarāvṛttirbrahmalokāt kathañcana || gaur̤ā:-daśāhābhyantare yasya gaṅgātīye'sthi majjati' | gaṅgāyāṃ maraṇe yādṛk tādṛk phalamavāpnuyāt || athāsthiprakṣepaprakāraḥ | tatra brahmapurāṇe-snātvā tataḥ pañcagavena siktā hiraṇya-madhvājyatilena yojyam | tatastu mṛtpiṇḍapuṭe nidhāya paśyan diśaṃ pretagaṇopagūr̤hām | namo'stu dhamāya vadan praviśya jalaṃ sa me prīta iti kṣipecca