Tirthacintamani 9.p158

9.p158

taduktaṃ bhaviṣye— gaṅgāsīmā samā na laṅghanti sarvvapāpānyaśeṣataḥ | diśo daśa palāyante siṃhaṃ dṛṣṭvā yathā mṛgāḥ | ekayojanavistī(rṇā)rṇaḥ kṣetrasīmā taṭadvayāt || iti brahmapurāṇe— yatra gaṅgā mahārāja śambhostatra tapovanam | siddhikṣetrantu tajjñeyaṃ samantāttu dviyojanam || atra hastacatuṣṭayābhyantare pratigrahaniṣedhaḥ sarvvatra | sārddhahastaśatābhyantare tattīre tanniṣedho gaṇḍakyādiprasiddhanadīṣviti śiṣṭācāraḥ | kṣetre pratigrahaniṣedhastu gaṅgāyāmeva tatraiva kṣetrakathanāditi vyavasthā | matsyapurāṇe— tīrthe na pratigṛhṇīyāt puṇyeṣvāyataneṣu ca | nimitteṣu ca sarvveṣu apramatto bhavennaraḥ || tīrthe yaḥ pratigṛhṇāti puṇyeṣvāyataneṣu ca | nimitteṣu ca sarvveṣu kṣetreṣu ca tathaiva ca || niṣphalaṃ tasya tattīrthaṃ yāvattaddhanamaśnute | gaṅgāyāmanyadapi tatraiva— tīre pratigṛhīte tu vikrītā jāhnavī bhavet | gaṅgāvikrayaṇādrājan viṣṇorvikrīyaṇaṃ bhavet | janārddane tu vikrīte vikrītaṃ bhuvanatrayam || atha tauramṛttikāphalam| bhārate— gaṅgātīrasamudbhūtāṃ mṛdaṃ mūddhā̍ vibhartti yaḥ| vibhartti rūpaṃ so'rkasya tamonāśāya kevalam