Tirthacintamani 9.p21

9.p21

brahmāṇḍe— jñānamaiśvaryyamāyuśca pratiṣṭhā sarvvamānyatā | śubhānāmāśnayatvañca gaṅgādarśanajalaṃ phalam || sarvendriyāṇāṃ cāpalyaṃ vyasanāsavittarāśu vai | nirghṛṇatvaṃ nṛṇāṃ gaṅgā-darśanādeva naśyati || parahiṃsā ca kauṭilyaṃ paradoṣāyavekṣaṇam | dāmbhikānāṃ nṛṇāṃ gaṅgā-darśanādeva naśyati || pādme— muhurmuhustathā paśyet spṛśedvāpi muhurmuhuḥ | bhaktyā yadicchati naraḥ śāśvatañcāmṛtaṃ padam || bhaviṣye— vāpīkūpatar̤āgādi-prapāsatrādibhistathā | anyatra yadbhavet puṇyaṃ tadgaṅgādarśanādbhavet || tathā— yat phalaṃ jāyate puṃsāṃ darśane paramātmanaḥ | tadbhavadeva gaṅgāyā darśane bhaktibhāvataḥ || tathā— naimiṣe ca kurukṣetre narmmadāyāñca puṣkare | snānāt saṃsevanāccāpi yatphalaṃ labhate naraḥ | gaṅgāyā darśanādeva kalau prāhurmaharṣayaḥ