Tirthacintamani 9.p83

9.p83

pitaraḥ pitṛlokavāsinaḥ | bhārate — triṣu lokeṣu ye kecit prāṇinaḥ sarvva eva te | tarpyamāṇāḥ parāṃ tṛptiṃ yānti gaṅgājalaiḥ śubhaiḥ || ya icchet saphalaṃ janma jīvitaṃ śubhameva ca | sa pitṝ ṃstarpayedgaṅgāmabhigamya surāṃstathā || bhaviṣye — patitādīnabhidhāya ! ye narā duḥkhitāḥ samyak sarvve te sakuśalaistilaiḥ | tarpitā jāhnavītoyairnareṇa vidhinā sakṛt || prayānti svargalokantu nātra kāryyā vicāraṇā | svargasaṃsthāśca ye kecit pitaraḥ puṇyaśālinaḥ || gaṅgājalaistathā puṃsā vidhinā tarpitāḥ sakṛt | te'pi mokṣaṃ prapadyante yadi brahmā'bravīdvacaḥ || tathā— māsatarpaṇamātreṇa piṇḍānāṃ pātanena ca || gaṅgāyāṃ pitaraḥ sarvve vimānān sūryyavarcasaḥ | apsarogaṇasaṃyuktān hemaratnavibhūṣitān | muktājālaparicchannān veṇuvīṇāvināditān | bherīśaṅkhamṛdaṅgādinirghoṣān sragvibhūṣitān || gandharvvageyarucirān divyabhogasamanvitān | gaṅgātarpaṇasamprītāḥ 1 śrāddhapiṇḍasutarpitāḥ | āruhya sahasā yānti brahmalokaṃ sanātanam