Tirthacintamani 9.p91

Tīrthacintāmaṇi 9.p91

Language: Sanskrit

9.p91

naitatphalamavāpnoti devadrohaḥ sa ucyate || devānāṃ darśanaṃ puṇyaṃ darśanāt sparśanaṃ varam | sparśanādarccanaṃ śreṣṭhaṃ ghṛtasnānamataḥparam || aṣṭakṛtvo mantrajapaiḥ 1puṣpaiścaiva sugandhibhiḥ | prāhurgaṅgājalaiḥ snānaṃ ghṛtasnānasamaṃ budhāḥ || arghyadravyaviśeṣeṇa gaṅgātoyena yaḥ sakṛt | 2māgadhaprasthamātreṇa tāmrapātrasthitena ca || bhānave'rghyaṃ pradadyāttu svakīyapitṛbhiḥ saha | putra-pautraiśca saṃyuktaḥ svargaloke mahīyate || āpaḥ kṣīraṃ kuśāgrāṇi ghṛtaṃ dadhi tathā madhu | raktāni karavīrāṇi tathā raktañca candanam | aṣṭāṅga eṣaḥ arghyo vai bhānave parikīrttitaḥ || tathā— śivasya viṣṇoḥ sūryyasya durgāyā brahmaṇastathā | gaṅgātīre pratiṣṭhāntu yaḥ karoti narottamaḥ

Previous: 9.p90
Next: 9.p92
Up: 9

Linked texts (1)

Nāradapurāṇa — Vyāsa, Sanskrit