Tirthaprakasha 1.p43

1.p43

gurbāditye gurau siṃhe naṣṭe śukre malimluce | yāmyāyane harau supte sarvakarmāṇi varjayet || tathā, ravikṣetragate jīve jīvakṣetragate ravau | varjayetsarvakarmāṇi vratasvastyayanāni ca || upaplave śītalabhānubhānvorhraurdaye vā kapilākhyaṣaṣṭhyām| surāsurejyāstamaye'pi tīrthe yātrāvidhiḥ saṅkramaṇe'pi śastaḥ || iti paṭhanti | tathā, siṃhasthitaṃ maghāsaṃsthaṃ guruṃ yatnena varjayet | anyatra siṃhabhāgeṣu vivāhādi vidhīyate || tathā, vāpīkūpataḍāgayāgagamanaṃ kṣauraṃ pratiṣṭhā vrataṃ vidyāṃ mandirakarṇavedhanamahādānaṃ vanaṃ sevanam | tīrthasnānavivāhadevabhavanaṃ mantrādi devekṣaṇaṃ dūreṇaiva jijīviṣuḥ pariharedastaṅgate bhārgave || tathā, bāle vā yadi vā vṛddhe śukre vāstaṅgate gurau | malamāsa ivaitāni varjayeddevadarśanam