Tirthaprakasha 4.p100

4.p100

kāśīkhaṇḍe, padmabhūrityupakramya | iyāja daśabhiḥ kāśyāmaśvamedhairmahāmakhaiḥ | purā rudrasaronāmatattīrthaṃ kalasodbhava || daśāśvamedhikaṃ paścājjātaṃ vidhiparigrahāt | svardhundhatha tataḥ prāptā bhagīrathasamāgamāt || atīva puṇyavajjātamattastattīrthamuttamam | tathā, daśāśvamedhikaṃ prāpya sarvatīrthottamottamam | yatkiñcitkriyate karma tadakṣayamiheritam || tathā, daśāśvamedhike tīrthe sakṛtsnātvā narottamaḥ | dṛṣṭvā daśāśvamedheśaṃ sarvapāpaiḥ pramucyate || tathā tatraiva, udagdaśāśvamedhānmāṃ prayāgākhyaṃ ca mādhavam | prayāgatīrthe susnāto dṛṣṭvā pāpaiḥ pramucyate || tathā, gaṅgottaravahā yatra yamunā pūrvavāhinī | tat sambhedaṃ naraḥ prāpya mucyate brahmahatyayā || vapanaṃ tatra karttavyaṃ piṇḍadānaṃ ca bhāvataḥ | deyāni tatra dānāni mahāphalamabhīpsunā || prayāgeśaṃ mahāliṅgaṃ tatra tiṣṭhati kāmadam | tatsānnidhyācca tattīrthaṃ kāmadaṃ parikīrtitam || tathā, mune dharaṇivāha prayāgeśvarasannidhau | snātvā varāhatīrthe'tra dṛṣṭvā māṃ kiṇarūpiṇam || sampūjya bahubhāvena na viśedyonisaṅkaṭam