Tirthaprakasha 4.p110

4.p110

anyān‍yapi ca stotrāṇi yathāśakti paṭhanīyāni | atra ca svayambhūtasya liṅgasyālābhe tatsthāne sthāpitaliṅgāntarapūjanādināpi sarvanirvāhaḥ | yathā nityasāmidhenīṣu triḥ prathamāmanvāhetyādinā vihitaṃ tritvaṃ tatsthānāpannāsu kāmyāsu sāmidhenīṣu apyanveti sthānadharmatvāt tathātrāpyaucityāt | durdāntamlecchādivaśāttatra liṅgābhāve sthānapradakṣiṇenaiva nityayātrā siddhyati snapanādikaṃ tu tadā niradhiṣṭhānatvānnivarttata iti śiṣṭāḥ | vastutastu nityasthāne vihitatvāva kāmyāsu sāmidhenīṣvastu tritvalābhaḥ | prakṛte tu svayambhūtaliṅgasthāne liṅgāntarāarchnasyānābhihitatvāt na tannyāyaḥ parantu śiṣṭācārādeva tathā tasyāpi dharme mānatvāditi | vīreśvarādipūjāyāmapyayameva kramaḥ | pradakṣiṇe tu viśeṣaṃ vadanti