Tirthaprakasha 4.p121

4.p121

tataḥ śailaṃ mahādurgaṃ taiḥ kāśīparitaḥ kṛtam | parikhāpi kṛtā ramyā matsyodaryyā jalāvilā || matsyodarī dvidhā jātā bahirantaścarā punaḥ| tacca tīrthaṃ mahat khyātaṃ militaṃ gāṅgavāribhiḥ | yadā saṃhāramārgeṇa gaṅgāmbhaḥ praviśediha || tadā matsyodarītīrthaṃ labhyate puṇyagauravāt | sūryācandramasoḥ parva tadā koṭiguṇaṃ matam || sarvaparvāṇi tatraiva sarvatīrthāni tatra vai | tatraiva sarvaliṅgāni gaṅgāmatsyodarī yataḥ || matsyodaryyāṃ hi ye snātā yatra kutrāpi mānavāḥ | kṛtapiṇḍapradānāste na māturudareśayāḥ || avimuktamidaṃ kṣetraṃ matsyākāratvamāpnuyāt | paritaḥ svardhunīvāri saṃsari parivīkṣyate || matsyodaryāṃ kṛtasnānā ye narāste narottamāḥ | kṛtvāpi bahupāpāni nekṣante bhoskareḥ purīm