Tirthaprakasha 4.p126
Tīrthaprakāśa 4.p126
- Language
- Sanskrit
4.p126
ekāhārastu yastiṣṭhenmāsaṃ tatra varānane ! || yāvajjīvakṛtaṃ pāpaṃ māsenekena naśyati | agnipraveśaṃ ye kuryuuravimukte vidhānataḥ || praviśanti sukhaṃ te māmapunarbhāvino janāḥ | kurvantyanaśanaṃ ye tu madbhaktāḥ kṛtaniścayāḥ || na teṣāṃ punarāvṛttiḥ kalpakoṭiśatairapi | arcayedyastu māṃ devi ! hyavimukte varānane ! || tasya dharmaṃ pravakṣyāmi yāvadāpnoti mānavaḥ | daśasauvarṇikaṃ puṣpaṃ yo'vimukte prayacchati || agnihotraphalaṃ dhūpe gandhadānena tacchṛṇu | bhūmidānena tattulyaṃ gopradānaphalaṃ smṛtam || sammārjane pañcaśataṃ sahasramanulepane