Tirthaprakasha 4.p138

4.p138

tathā, kṛtapādodakasnānaṃ pītapādodakaṃ tathā | dattapādodapānīya naraṃ na nirayaḥ spṛśet || athādikeśavaḥ| kāśīkhaṇḍe, vedeśvarādudīcyāṃ tu kṣetreśaścādikeśavaḥ| dṛṣṭaṃ tribhuvanaṃ sarvaṃ tasya sandarśanād dhruvam|| atha kedāraḥ| kāśīkhaṇḍe, tuṣārādriṃ samāruhya kedāraṃ vīkṣya yatphalam| tatphalaṃ saptaguṇitaṃ kāśyāṃ kedāradarśanāt|| tathā, kedārakuṇḍe yaḥ snātvā piṇḍāndāsyati cātvaraḥ| ekottaraśataṃ vaṃśyāstasya tīrṇā bhavāmbudhim|| kedāraṃ gantukāmasya buddhirdeyā narairiyam| kāśyāṃ spṛśaṃstvaṃ kedāraṃ kṛtakṛtyo bhaviṣyasi|| āṣaṇmāsaṃ trikālaṃ yaḥ kedāreśaṃ namasyati| taṃ namasyanti satataṃ lokapālāya mādayaḥ|| tathā, sāyaṃ kedāra kedāra kedāreti triruccaran| gṛhe'pi nivasannūnaṃ yātrāphalamavāpnuyāt|| brahmavaivarte, jñānavāpyāṃ naraḥ snātvā tārakeśaṃ vilokya ca| kṛtasandhyādiniyamaḥ paritarpya pitāmahān|| dhṛtamaunavrato dhīmān yāvalliṅgaviloborderkanam| mucyate sarvapāpebhyaḥ puṇyaṃ prāpnoti śāśvatam|| ante ca tārakaṃ jñānaṃ yasmāt jñānādvimucyate| sune'nyacca mahāliṅgaṃ karu AIMṇeśvarasaṃjñakam|| mokṣadvārasamīpe tu mokṣadvāreśvarāgrataḥ | darśanāttasya liṅgasya mahākāruṇikasya vai || na kṣetrādbhirgamo jātu bahirbhavati kahiṃcit | amṛteśvaranāmedaṃ liṅgamānandakānane || etalliṅgasya saṃsparśādamṛtatvaṃ bhaveddhruvam | idaṃ svargadvārasamīpe | viśvakarmeśa-pārvatīrā-gaṅgeśa-narmadeśvara-satīśvarāstatraiva vistareṇoktāḥ | mokṣadvāreśvaraṃ caiva svargadvāreśvaraṃ tathā | ubhau kāśyāṃ naro dṛṣṭvā svargaṃ mokṣaṃ ca vindati || cakrapuṣkariṇītīre jyotīrūpeśvaraṃ param | samabhyarcyīpnuyānmartyo jyotīrūpaṃ na saṃśayaḥ || tathā, candreśvarasya pūrveṇa liṅgaṃ vidyeśvarānidham | sarvā vidyāḥ prasannāḥ syustasya liṅgasya sevanāt || brahmavaivartte, maṇikarṇīśvaraṃ liṅgaṃ mokṣadvāramapāvṛtam | tasya darśanataḥ samyagjñānakarṇī samāpyate || yatkāśyāṃ dakṣiṇadvāramantargehasya kīrtyate | tatra brahmeśvaraṃ dṛṣṭvā brahmaloke mahīyate || gokarṇeśaṃ mahāliṅgamantargehasya paścime | dvāre samarcya vai kāśyāṃ na vighnairabhibhūyate || bhārabhūteśvaraṃ liṅgaṃ bhārabhūtagaṇārthitam | antargehottaradvāri dhyātvā śivapure vaset || avimukteśvarāt paścānmokṣeśaṃ vīkṣya mānavaḥ | na punarmānave loke yātāyātaṃ karotyaho