Tirthaprakasha 4.p148

4.p148

kāśīsthitānāṃ jantūnāṃ nāśayāmyaghasañcayam || ye māmatra bhajiṣyanti mānavāḥ śraddhayānvitāḥ | iti | atha mayūkhādityaḥ| kāśīkhaṇḍe, aparaṃ dyumaṇe ! vacmi tava cātra tapasyataḥ | mayūkhā eva te' dṛṣṭā na ca dṛṣṭaṃ kalevaram || mayūkhāditya ityākhyā tataste'ditinandana ! | nṛṇāṃ tvadarcanāt kaścinna vyādhiḥ prabhāvaṣyati || bhaviṣyati na dāridryaṃ ravivāre tvadīkṣaṇāt | iti | atha khakholkaḥ | kāśīkhaṇḍe, vinatāditya ityākhyaḥ khakholkastatra saṃsthitaḥ | itthaṃ khakholka ādityaḥ kāśīvighnatamoharaḥ || tasya darśanamātreṇa sarvapāpaiḥ pramucyate | athāruṇādityaḥ | ye'rcayiṣyanti satatamaruṇādityasaṃjñakam | māmatra teṣāṃ no duḥkhaṃ na dāridryaṃ na pātakam || vyādhibhirnābhibhūyante nopasargaiśca kaiścana | śokāgninā na dahyante hyaruṇādityasevanāt || iti | atha vṛddhādityaḥ | kāśīkhaṇḍe, vṛddhenārādhito yasmāddhārītena tapasvinā | ādityo vārddhakaharo vṛddhādityastataḥ smṛtaḥ || vṛddhādityaṃ samārādhya vārāṇasyāṃ ghaṭodbhava !