Tirthaprakasha 4.p150

4.p150

amṛteśastārakeśo jñāneśaḥ karuṇeśvaraḥ | mokṣadvāreśvaraścaiva svargadvāreśvarastathā || brahmeśo lāṅgalīśaśca vṛddhakāleśvarastathā | vṛṣeśaścaiva caṇḍīśo nandikeśo maheśvaraḥ || jyotīrūpeśvaraṃ liṅgaṃ khyātamatra caturdaśam | kāśyāṃ caturdaśaitāni mahāliṅgāni sundari ! || imāni muktihetūni liṅgānyanandakānane | kalikalmaṣabuddhīnāṃ nā''ruceyāṇi kadācana | etānyārādhayedyastu liṅgānīha caturdaśa || na tasya punarāvṛttiḥ saṃsārādhvani karhicit || ityādi | caitrakṛṣṇapratipadaṃ samārabhya prayatnataḥ | ācaturdaśī pūjyāni liṅgānyetāni sattasaiḥ || eteṣāṃ vārṣikī yātrā sumaholasavapūrvakam | kāryā mumukṣubhiḥ samyak kṣetrasaṃsiddhidāyinī || mune ! caturdaśaitāni mahāliṅgāni yatnataḥ | dṛṣṭvā na jāyate jantuḥ saṃsāre duḥkhasāgare || ekaikasyāsya liṅgasya mahimādyantavarjitaḥ