Tirthaprakasha 4.p158

4.p158

snātvā viśālagaṅgāyāṃ viśālākṣīṃ tato vrajet | susnāto lalitātīrthe lalitāmarcayennaraḥ || snātvā bhavānītīrthe ca bhavānīṃ paripūjayet | maṅgalāṃ ca tato'bhyarcya bindutīrthe kṛtodakaḥ || tato gacchenmahālakṣmīṃ sthiralakṣmīsamṛddhaye | imāṃ yātrāṃ naraḥ kṛtvā kṣetre'smin muktijanmani || na duḥkhairabhibhūyeta ihāmutrāpi kutracit | imāṃ ca maṅgalāṃ gaurīṃ nārī vā puruṣo'pi vā || caitraśuklatṛtīyāyāmupoṣaṇaparāyaṇaḥ | mahopacāraiḥ sampūjya dukūlābharaṇādibhiḥ || rātrau jāgaraṇaṃ kṛtvā gītanṛtyakathādibhiḥ | prātaḥ kumārīḥ sampūjya dvādaśācchādanādibhiḥ || sambhojya paramānnādyairdattvā'nyebhyo'pi dakṣiṇām | homaṃ kṛtvā vidhānena jātavedasaityṛcā || aṣṭottaraśatābhiśca tilājyāhutibhiḥ priye ! | ekaṃ gomithunaṃ dattvā brāhmaṇāya kuṭumbine || śraddhayā mamalaṃṅkṛtya bhūṣaṇairdvijadampatī | bhojayitvā maheśeśa prīyatāṃ maṅgaleśvarī || iti mantraṃ samuccārya prātaḥ kṛtvā'tha pāraṇam | na daurbhāgyamavāpnoti na dāridryaṃ kadācana || na vai santānavicchittiṃ bhogocchittiṃ na jātucit | strī vaidhavyaṃ na cāpnoti na nā yoṣidviyogabhāk || api vandhyā prasūyeta kurvaitanmaṅgalā vratam | etadvratasya karaṇāda kurūpatvaṃ na jātucit || kumārī vindate'tyantaṃ guṇarūpayutaṃ patim | kumāro'pi vrataṃ kṛtvā vindati striyamuttamām || manorathatṛtīyāyāṃ yaste bhaktiṃ vidhāsyati | tanmanorathasaṃsiddhirbhavatrī madanugrahāt || manorathatṛtīyā caitraśuklatṛtīyā| vrataprakārastatraivānusandheyaḥ| tathā, tatraiva citraghaṇṭāṃ prakṛtyacaitraśuklatṛtīyāyāṃ kāryā yātrā prayatnataḥ | mahāmahotsavaḥ kāryo niśi zāgaraṇaṃ tathā || mahāpūjāprakaraṇaiścitraghaṇṭāṃ samarcya ca | śṛṇoti nāntakasyeha ghaṇṭāṃ mahiṣakaṇṭhagām || tathā, rādhaśuklatṛtīyāyāṃ snātvā paippalike hrade | upoṣaṇaparā bhaktyā rātrau jāgaragānvitāḥ || trilocanaṃ pūjayitvā prātaḥ snātvā tu tatra vai | punarliṅgaṃ samabhyarcya dattvā dharmaghaṭānapi || piṇḍān samprakṣipeyuśca pitṝnuddiśya harṣitāḥ | vidhāya pāraṇaṃ paścācchivabhaktajanaiḥ saha || visṛjya pārthivaṃ dehaṃ tena puṇyena noditāḥ | bhavanti devi ! niyataṃ gaṇā mama purogamāḥ