Tirthaprakasha 4.p175

4.p175

onnamaḥ śivāyai gaṅgāyai varadāyai namo namaḥ | namaste viṣṇurūpiṇyai brahmamūrtyai namo'stu te || namaste rudrarūpiṇyai śāṅkaryai te namo namaḥ | sarvadevasvarūpiṇyai namo bheṣajamūrttaye || sarvasya sarvavyādhīnāṃ bhiṣakśreṣṭhyai namo'stu te | sthāsnujaṅgamasambhūtaviṣahantryai namo'stu te || saṃsāraviṣanāśinyai jīvanāyai namo'stu te | tāpatritayasaṃhartyai prāṇeśyai te namo namaḥ || śāntisantānakāriṇyai namaste śuddhamūrttaye | sarvasaṃśuddhikāriṇyai namaḥ pāpārimūrttaye || bhuktimuktipradāyinyai bhadradāyai namo namaḥ | bhogopabhogadāyinyai bhogavatyai namo'stu te || mandākinyai namaste'stu svargadāyai namo namaḥ | namastrailokyabhūṣāyai kṣamāvatyai namo namaḥ || trihutāśanasaṃsthāyai tripathāyai namo namaḥ | namastriśuklasaṃsthāyai tejovatyai namo namaḥ || nandāyai liṅgadhāriṇyai sudhādhārātmane namaḥ | namaste viśvamukhyāyai revatyai te namo namaḥ || bṛhatyai te namaste'stu lokadhātryai namo'stu te | namaste viśvamitrāyai nandinyai te namo namaḥ || pṛthvyai śivāmṛtāyai ca suvṛṣāyai namo namaḥ | parāparaśatāḍhyāyai tārāyai te namo namaḥ || pāśajālanikṛntinyai abhinnāyai namo'stu te | śāntāyai ca variṣṭhāyai varadāyai namo namaḥ || ugrāyai sukhajagdhvyai ca sañjīvinyai namo'stu te | brahmaniṣṭhāyai brahmadāyai duritaghnyai namo namaḥ || praṇatārtiprabhañjinyai jaganmātre namo'stu te | sarvāpatpratipakṣāyai maṅgalāyai namo namaḥ || śaraṇāgatadīnārttaparitrāṇaparāyaṇe !| sarvasyārttihare ! devi ! nārāyaṇi ! namo 'stu te || nirlepāyai durgahantryai dakṣāyai te namo namaḥ | parāparaparāyai ca gaṅge nirvāṇadāyini ! || gaṅge ! mamāgrato bhūyā gaṅge me tiṣṭha pṛṣṭhataḥ | gaṅge ! me pārśvayorapi gaṅge ! tvayyastu me sthitiḥ | ādau tvamante madhye ca sarvaṃ tvaṃ gāṅgate ! śive ! || tvameva mūlaprakṛtistvaṃ pumān para eva hi | gaṅge ! tvaṃ paramātmā ca śivastubhyaṃ namaḥ śive ! || ya idaṃ paṭhati stotraṃ śṛṇuyācchraddhayāpi yaḥ | daśadhā mucyate pāpaiḥ kāyavākcittasambhavaiḥ || rogastho rogato mucyeddipadyaṃśca vipadbhutaḥ | mucyeta bandhanādvaddho bhīto bhīteḥ pramucyate || sarvānkāmānavāpnoti pretya ca tridivaṃ vrajet | divyaṃ vimānamāruhya divyastrīparivījitaḥ || gṛhe'pi likhitaṃ yasya sadā tiṣṭhati dhāritam | nāgniścaurabhayaṃ tasya na sarpādibhayaṃ kvacit || jyeṣṭhe māse site pakṣe daśamī hastasaṃyutā | saṃharettrividhaṃ pāpaṃ budhavāreṇa saṃyutā || tasyāṃ daśāmyāmetacca stotraṃ gaṅgājale sthitaḥ | yaḥ paṭheddaśakṛtvastu daridro vāpi cākṣamaḥ || so'pi tatphalamāpnoti gaṅgāṃ sampūjya yatnataḥ | pūrvoktena vidhānena yatphalaṃ samyakīrtitam || yathā gaurī tathā gaṅgā tasmādgauryāstu pūjane | yo vidhirvihitaḥ samyak so'pi gaṅgāprapūjane || yathā'haṃ tvaṃ tathā viṣṇo yathā tvaṃ tu tathāpyumā || umā yathā tathā gaṅgā catūrūpaṃ na bhidyate | viṣṇurudrāntaraṃ caiva śrīgauryorantaraṃ tathā || gaṅgāgauryantaraṃ caiva yo brūte mūḍhadhīstu saḥ | iti daśaharāstotraṃ samāptam | tathā, jyeṣṭhe māsi site pakṣe daśamyāṃ budhahastayoḥ | garānande vyatīpāte kanyācandre vṛṣe ravau || daśayoge naraḥ snātvā sarvapāpaiḥ pramucyate