Tirthaprakasha 4.p179

4.p179

laiṅge, ataḥ paraṃ pravakṣyāmi yātrākālaṃ tu sarvage ! | caitramāse tu devaistu yātreyaṃ ca kṛtā śubhe ! || tasyaiva kāmakuṇḍe tu snānapūjanatatparaiḥ | vaiśākhe daityarājaistu yātreyaṃ ca kṛtā purā || vimaleśvarakuṇḍe tu snānapūjanatatparaiḥ | jyeṣṭhe māse tu devaistu yātreyaṃ ca kṛtā purā || rudrāvāsasthakuṇḍe tu snānapūjanatatparaiḥ | āṣāḍhe cāpi gandharvaiyātreyaṃ ca kṛtā mama || śriyo devyāśca kuṇḍasthaiḥ snānapūjanatatparaiḥ | vidyādharaistu yātreyaṃ śrāvaṇe māsi tatparaiḥ || lakṣmīkuṇḍasya saṃsthaiśca snānapūjanatatparaiḥ | pitṛbhiścāpi yātreyamāśvine māsi tatparaiḥ || kapilahradasaṃsthaiśca snānapūjanatatparaiḥ | ṛṣibhiścāpi yātreyaṃ kārttike māsi tatparaiḥ || mārkaṇḍeyarudrasthaiśca snānapūjanatatparaiḥ | vidyādharaistu yātreyaṃ māsi mārgaśire kṛtā || kapālamocanasthaiśca snānapūjanatatparaiḥ | guhyakaiścaiva yātreyaṃ puṣyamāse tu tatparaiḥ || dhanadeśvarakuṇḍasthaiḥ snānapūjanatatparaiḥ | yakṣaiścāpi yātreyaṃ māghamāse ca tatparaiḥ || koṭitīrthe tu saṃsthaiśca snānapūjanatatparaiḥ | piśācaiścaiva yātreyaṃ phālgune māsi tatparaiḥ || gokarṇakuṇḍasaṃsthaiśca snānapūjanatatparaiḥ | piśācaiśca yadā tasmin phālgunasya caturdaśī || tena sā procyate devī paiśācī nāma viśrutā | ataḥ paraṃ pravakṣyāmi yātrīyāṃ niṣkṛtiṃ parām || udakumbhāstu dātavyā miṣṭānnena samanvitāḥ | tena devi ! tadā prāptaṃ pūrvoktaphalameva ca || iti | tathā, kāśyāṃ māghaḥ prayāge yairna snāto makarārkagaḥ | aruṇodayamāsādya teṣāṃ niḥśreyasaṃ kutaḥ || kāśyudbhave prayāge ca tapasi snānti mānavāḥ | daśāśvamedhajanitaṃ phalaṃ teṣāṃ bhaveddhruvam || prayāgamādhavaṃ bhaktyā prayāgeśaṃ ca kāmadam | prayāge tapasi snātvā ye'rcayantyanvahaṃ sadā || dhanadhānyasutarthīste labdhvā bhogān manoramān | bhukteveha paramānandaṃ paraṃ mokṣamavāpnuyuḥ || iti | atha vārayātrā | māghe māsi ravervāre yātrā sāṃvatsarī bhavet | aśokaistatra sampūjya kuṇḍe snātvā vidhānataḥ || sāmbādityaṃ naro jātu na śokairbhibhūyate | saṃvatsarakṛtāt pāpādviharbhavati tatkṣaṇāt