Tirthaprakasha 4.p18
Tīrthaprakāśa 4.p18
- Language
- Sanskrit
4.p18
brāhme tu, brahmāṅgalagnaṃ viprebhyo vaiṣṇavaṃ ca pradāpayet | rudrāṅgalagnamagnau ca dahetsarvaṃ ca tatkṣaṇāt || anyeṣyastvatha devebhyo yattaddīneṣu nikṣipet | ityādyanyatra vistaraḥ | tīrthe pratigraho na kāryyaḥ | mātsye, tīrthe na pratigṛhṇīyātpuṇyeṣvayataneṣu ca | nimitteṣu ca sarveṣu cāpramatto bhavennaraḥ || yastīrthe pratigṛhṇāti puṇyeṣvayataneṣu ca || nimitteṣu ca sarveṣu kṣetreṣu ca tathaiva ca | niṣphalaṃ tasya tattīrthaṃ yāvattaddhanamaśnute