Tirthaprakasha 4.p225

4.p225

durādharṣaṃ kathaṃ yāti cintayedyo vadedapi || tasyāhaṃ pravade pāpaṃ koṭibrahmavadhodbhavam | stutivādamidaṃ matvā kumbhīpākeṣu majjati || ākalpaṃ narakaṃ bhuktvā tato jāyeta gardabhaḥ | vyāsasaṃhitāyāṃ viṣṇuvākyairapi śraddhāyāstatrādhikāratvāvagateḥ | śraddhā ca phalāvaśyambhāvaniścayaḥ | atha gaṅgātīranivāsyarcanam | gaṅgāmajjanaśīlasya gaṅgātīranivāsinaḥ | arcāṃ kṛtvā yathānyāyamaśvamedhaphalaṃ labhet || iti | atha niṣiddhāni | brahmāṇḍe, gaṅgāṃ puṇyajalāṃ prāpya trayodaśa vivarjayet | śaucamācamanaṃ caiva nirmālyaṃ malagharṣaṇam || gātrasaṃvāhanaṃ krīḍāṃ pratigrahamathāratim | anyatīrtharatiṃ caiva anyatīrthapraśaṃsanam || vastratyāgamathāghātaṃ santāraṃ ca viśeṣataḥ | skānde, nābhyaṅgitaḥ praviśecca gaṅgāyāṃ na malārditaḥ | na jalpan mṛṣā vīkṣan vadannanṛtaṃ naraḥ || mṛṣā, itastataḥ | brāhme, snāyīta tailavān prājñastaṭabhūmimupeyivān | iti